1. بيلىك شىنايى ساياسي رەفورمانىڭ باستالعانىنا ەلدى سەندىرىپ، سەنىم كرەديتىن ارتتىرادى.

2. حالىقتىڭ كوزىندە سايلانعان اكىمدەر ء"بىز سايلاعان ازامات" دەگەن ءيمميدجدى الادى. قازىر ازاماتتىق قوعامعا ليدەرلەر قاجەت. مىنە قوعام وسى ءوزى سايلاعان اكىمدەردىڭ توڭىرەگىنە توپتاسا باستايدى. بۇل جاڭا ليدەرلەرمەن كەلەسى پرەزيدەنت سايداۋىنا دا دايىندىق بولادى.

3. بيلىك حالىق سايلاعان اكىمدەرگە قىسىم كورسەتە المايتىن بولادى. بولماشى قىسىمنىڭ ءوزى قوعام تاراپىنان ۇلكەن تەپكىگە ۇشىرايدى. بۇل ءوز كەزەگىندە سايلانعان اكىمدەرگە ۇلكەن كۇش پەن سەنىمدىلىك، ساياسي ويىنداردا بوس كەڭىستىك بەرەدى. ال، پرەزيدەنت حالىق سايلاعان اكىمدى ورنىنان الار بولسا سولاي جاساپ كورسىن. قىزىقتىڭ كوكەسى سوندا بولادى.

4. اتالعان 3 قالادا سايلاۋ كەزىندە ارى كەتكەندە 700-800 سايلاۋ ۋچاسكەسى بولۋى مۇمكىن. بۇل ورىنداردى باقىلاۋشىلارمەن تولتىرىپ، ءبىر دە ءبىر داۋىستىڭ ۇرلانباۋىن قاداعالاۋعا جاستارى كوپ، ازاماتتىق قوعامى بەلسەندى اتالعان 3 قالادا تاماشا مۇمكىندىك بار.

5. ءوز باسىم "نۇر وتاننىڭ" ەل اۋماعىندا 1 ملن مۇشەسى بار دەگەندى ءجيى ەستيمىن. ابدەن مۇمكىن. دەمەك 3 قالانىڭ اكىمىن سايلاۋ ارقىلى شەشۋگە بيلىك ەش قورىقپاۋى كەرەك. سەبەبى، 1 ملن مۇشەسى بار ەڭ ۇلكەن ساياسي كۇش ەمەس پە؟.. تەك وسىنى  شىمكەنت، الماتى مەن استانا قالالارىنىڭ اكىمدەرىن سايلاۋ ارقىلى شىندىققا قانشالىقتى جاناساتىنىن پراكتيكادا دالەلدەپ كورەيىك.

6. سايلانعان 3 قالانىڭ اكىمى دە كەلەسى پرەزيدەنت سايلاۋىنا ءتۇسۋى كەرەك. ەكەۋى ساتىپ كەتسە دە اراسىنان ەل ءۇشىن سوڭىنا دەيىن تۇرىپ بەرەر ايتەۋىر بىرەۋى قالادى. ءوزى سايلاۋ مەن حالىقتىڭ ارقاسىندا اكىم بولعان ادام ەلدىڭ قولداۋىنىڭ دا قادىرىن تۇسىنەر.

اشىعىن ايتايىن قانداي زاڭدى وزگەرت بىراق ول زاڭنىڭ ورىندالار نۇكتەسىن تولىق باقىلاۋعا الار ساياسي پارتيا نە ازاماتتىق قوعامنىڭ كۇشى جەتىلمەي ءبارى بەكەر. ءدال بۇگىنگى قازاقستان جاعدايىندا بۇكىل ەلدى قامتىعان سايلاۋلار ءبىزدىڭ جاس ازاماتتىق قوعام ءۇشىن ماسشتابى تىم ۇلكەن. قازاقستان ءۇشىن الداعى پارلامەنت سايلاۋىنان اتالعان 3 قالانىڭ اكىمدەرىن سايلاۋ الدەقايدا ماڭىزدى. باستالاتىن وزگەرىس وسى 3 مەگاپوليس قالادان باستالادى.

باۋىرجان سەرىكبايدىڭ facebook پاراقشاسىنان

Abai.kz