سوڭعى ءبىر جىلدىڭ ىشىندە قازاقتى جۇزگە، رۋعا، جاماعاتقا، پارتياعا، ءورىستىلدى جانە قازاقتىلدى دەپ بولەتىن پوستتار قاتتى كوبەيىپ كەتتى. توپتارداعى ءوزىمىزدىڭ ساناسىزدار دا وتقا ماي قۇيعانداي بولىپ جاتىر.

قازىر مەملەكەتىمىز، قازاق ۇلتى وتە قيىن جاعدايدا تۇر. بىرەۋلەرگە ءبىزدى بولە تۇسكەن ءتيىمدى. بولىنگەن، ءبىر-بىرىمەن قىرىقپىشاق بولىپ جاتقان ەلدى باسىپ الۋ دا، بيلەۋ دە وڭاي. «10 پريزناكوۆ كازاحوۆ يح رودا نايمانوۆ» دەگەن ءبىر ماقالا شىعىپتى كەشە تاعى. ولاردىڭ ايتۋىنشا، نايماندار ەرەكشە حالىق ەكەن...

قۇرمەتتى دوستار! ول – نايماننىڭ دا، ادايدىڭ دا، شاپىراشتىنىڭ دا، باسقا رۋدىڭ دا ەرەكشەلىگى ەمەس، ول – قازاقتىڭ ەرەكشەلىگى! وسىنى شاتاستىرمايىقشى، ءبىلىپ جۇرەيىك. قازاقتىڭ اراسىنا سىنا قاعىپ، ىرىتكى سالۋىنا جول بەرمەڭىزدەر. توپتارداعى بىتپەيتىن ماعىناسىز ايتىس-تارتىستى توقتاتىپ، ەلدىڭ بولاشاعىن، جەردىڭ بولاشاعىن ويلايتىن ۋاقىت بولدى.

كوزىمىزدى اشىپ، اينالامىزعا قاراپ، ساليقالى، سانالى پوستتار جازايىق. قازاقستان قازىر وتە قيىن جاعدايدا تۇر. مەملەكەتتىڭ بولاشاعى حالىقتىڭ ءوز قولىندا. وت باسى، وشاق قاسىنداعى قاتىن وسەكتى قويىپ، بىرلىككە ۇندەيتىن، ەلگە جانى اشيتىن، مەملەكەتتىڭ بولاشاعىنا الاڭدايتىن پوستتار جازا باستاۋىمىز كەرەك!

جولىمبەت ماكىشتىڭ facebook پاراقشاسىنان

Abai.kz