Соңғы бір жылдың ішінде қазақты жүзге, руға, жамағатқа, партияға, орыстілді және қазақтілді деп бөлетін посттар қатты көбейіп кетті. Топтардағы өзіміздің санасыздар да отқа май құйғандай болып жатыр.

Қазір мемлекетіміз, қазақ ұлты өте қиын жағдайда тұр. Біреулерге бізді бөле түскен тиімді. Бөлінген, бір-бірімен қырықпышақ болып жатқан елді басып алу да, билеу де оңай. «10 признаков казахов их рода найманов» деген бір мақала шығыпты кеше тағы. Олардың айтуынша, наймандар ерекше халық екен...

Құрметті достар! Ол – найманның да, адайдың да, шапыраштының да, басқа рудың да ерекшелігі емес, ол – қазақтың ерекшелігі! Осыны шатастырмайықшы, біліп жүрейік. Қазақтың арасына сына қағып, іріткі салуына жол бермеңіздер. Топтардағы бітпейтін мағынасыз айтыс-тартысты тоқтатып, елдің болашағын, жердің болашағын ойлайтын уақыт болды.

Көзімізді ашып, айналамызға қарап, салиқалы, саналы посттар жазайық. Қазақстан қазір өте қиын жағдайда тұр. Мемлекеттің болашағы халықтың өз қолында. От басы, ошақ қасындағы қатын өсекті қойып, бірлікке үндейтін, елге жаны ашитын, мемлекеттің болашағына алаңдайтын посттар жаза бастауымыз керек!

Жолымбет Мәкіштің facebook парақшасынан

Abai.kz