بىزدە قازاقتىڭ ينتەللەكتىسىن ءولتىرۋ ويىنى ءجۇرىپ جاتىر. تۇلعالاردى تاپتاۋ ويىنى ءجۇرىپ جاتىر. قازاقتى مəڭگۇرتتەندىرۋ ويىنى ءجۇرىپ جاتىر.
وتاندىق ارنالارداعى بىتپەءيتىن ارزان قالجىڭ، ارزان شوۋ، جالىقتىراتىن تاباقبەتتەر شارشاتتى. "قويانباەۆتى كورسەم قويانشىعىم ۇستايدى" دەدى وتكەندە ءبىر قۇربىم. قويانباەۆ، قاباتوۆ جۇرتتى جالىقتىرعانى نە، "رازدراجات" ەتەدى. ولار رەيتينگتى ەندى كوتەرمەيدى. ولاردىڭ جىرق-جىرقى ەندى وتپەيدى. تەلەارنانىڭ دەڭگەيىن ينتەللەكتۋال تۇلعا كوتەرەدى. تەلەارناعا ينتەللەكتۋال كەلمەي سول ارزان شوۋ، ءۇندىنىڭ ەڭ تومەن سورتتى سەريالدارى... كورسەتىلگەنى كورسەتىلگەن.

بۇل ەلدە ساياسي يدەولوگيا جوق. ۇستالعان پەدوفيلدى اسىپ، اتىپ تاستاساڭ دا، باسقا پەدوفيل شىعادى. پەدوفيل قايدان شىعادى؟ دۇرىس تəربيە كورمەگەن، پسيحولوگيالىق قىسىم-كورگەن، ۇرىپ-جانشۋ كورگەن، مەيىرىم كورمەگەن، جىلۋ كورمەگەن، ۇرىس-كەرىسسىز تاماق ىشپەگەن، بالاسىن كەرەك ەتپەگەن وتباسىنان شىعادى.

بىزدە جۇمىسسىز قانشا ادام بار؟ تاپقانى بالا-شاعاسىنىڭ ءىشىپ-جەمىنە جەتپەيتىن قانشا وتباسى بار؟ سول دەپرەسسياعا تۇسكەن ادامدار بالاسىنا قاراۋعا مۇرشاسى بار ما؟
بالاسىن قوقىسقا تاستاپ جاتقان قىزدار دا قۇربان. ولاردىڭ بالاسى دا قۇربان. يدەولوگيا جوق.

وزىنە ءوزى قولجۇمساپ جاتقان ادامدار دا قۇربان. يدەولوگيا جوق.
باتپاققا باتقان بيلىكتىڭ يدەولوگيامەن ءىسى جوق. يدەولوگيا دۇرىس جۇرگىزىلسە، قىلمىس əلدەقايدا از بولار ەدى، تاستاندى بالا قازىرگىدەن əلدەقايدا از بولار ەدى، وزىنە قولجۇمسايتىنداردىڭ سانى كۇرت ازايار ەدى.

Əكىم-قارالارى "كرىشاسىنا" سەنىپ، بەس جاسار بالانىڭ ءسوزىن ايتسا دا، سايران قۇرىپ جۇرە بەرەتىن بۇل بيلىككە سەنىم جوق.
"مəڭگىلىك ەلباسىنىڭ" "ۋاقىتى جەتسە" كلاندار بيلىككە تالاساتىنى انىق. ءوز پرەزيدەنتىن وتىرعىزۋ ءۇشىن، توقاەۆتى تاقتان تايدىرۋ ءۇشىن ولار بارىن سالۋى əبدەن مۇمكىن. ولار وتە قاۋىپتى تيپتەر بولۋى دا مۇمكىن.

جəكىشەۆتى، باسقا ساياسي تۇتقىنداردى توقاەۆ حالىققا ارقا سۇيەپ، بوساتسا، سوندا حالىق توقاەۆتى قولدار ەدى، قورعار ەدى...

اياگۇل مانتايدىڭ facebook پاراقشاسىنان

Abai.kz