مينيسترلىكتىڭ ءباسپاسوز قىزمەتى تاراتقان اقپاراتقا قاراعاندا، "قالىپقا كەلتىرىلگەن ۇيلەردىڭ" 2 529-ىندا جەڭىل جوندەۋ جۇمىستارى ءالى جالعاسىپ جاتىر. ۆەدومستۆو حابارىنشا، كوپقاباتتى 21 ءۇيدى دايىن تولىق جوندەلگەن. مينيسترلىك ۇيلەردى قالىپقا كەلتىرۋگە قانشا قارجى كەتكەنىن كورسەتپەگەن.
24 ماۋسىمدا تۇركىستان وبلىسىنداعى ارىس قالاسىندا بولعان جارالىس كەزىندە ۇيلەردىڭ 85 پايىزى زاقىمدانىپ، 20-دان اسا ءۇي ورتەنىپ كەتكەن. قازاقستان ۇكىمەتى بيۋدجەت پەن دەمەۋشىلەر، قازاقستاندىقتار قارجىسى جينالعان ارناۋلى قور ەسەبىنەن ۇيلەردى جوندەپ بەرۋگە ۋادە ەتكەن.
ءۇيى بۇزىلعان تۇرعىنداردىڭ كەيبىرى "قۇرىلىس دۇرىس جۇرمەي جاتىر"دەسە، جەرگىلىكتى اكىمدىك ء"اربىر ءۇيدىڭ قۇرىلىسىن جەكە باقىلاپ وتىرعانىن" ايتىپ، تۇرعىندار ءسوزىن جوققا شىعارعان.
رەسمي دەرەك بويىنشا، ارىستاعى اپات كەزىندە ءۇش ادام قازا تاپقان. ونىڭ ەكەۋى - اسكەري قىزمەتكەر، بىرەۋى - بەيبىت تۇرعىن. بيلىك اۋەلدە ارىستا بىرنەشە كۇنگە سوزىلاتىن توتەنشە جاعداي جاريالاعان ەدى. الايدا 27 ماۋسىمدا شىمكەنتتە شەرۋگە شىققان جۇزدەگەن ارىستىق سوڭعى ون جىل ىشىندە ءتورتىنشى رەت جارىلىس بولعان ارىس قالاسىنا بارمايتىنىن ايتىپ، بيلىكتەن وزدەرىن باسقا جاققا كوشىرۋدى تالاپ ەتكەن.
28 ماۋسىمدا بيلىك شىمكەنت پەن كورشى ەلدىمەكەندەردى ۋاقىتشا پانالاعان ارىستىقتاردىڭ ۇيلەرىنە ورالۋىنا رۇقسات بەرۋگە ءماجبۇر بولدى.
Abai.kz
