ءماجىلىس توراعاسى نۇرلان نىعماتۋلين ابايدىڭ 175 جىلدىق مەرەيتويىنا وراي ۇيىمداستىرىلعان چەلەندجدى قولدادى. پالاتا سپيكەرى ەستافەتانى حالىقتىڭ سۇيىكتىسى، بۇكىل الەمگە قازاق مادەنيەتىن تانىتقان، اتى اڭىزعا اينالعان وپەرا ءانشىسى بيبىگۇل تولەگەنوۆادان قابىلدادى.

نۇرلان نىعماتۋلين ۇلى اباي بۇگىندە تەك قازاق حالقىمىز عانا ەمەس، بۇكىل الەم ءۇشىن دە كەمەڭگەر تۇلعاعا اينالعانىن ايتىپ، اباي اتامىزدىڭ ولەڭدەرى، ابايدىڭ «قارا سوزدەرى» ادام بالاسىن ەرىنبەي ەڭبەك ەتۋگە، بەرەكەلى ءومىر سۇرۋگە، ونەرلى، ءبىلىمدى جانە قايىرىمدى بولۋعا شاقىراتىنىنا نازار اۋداردى.

«وسى جولدا ۇلى اقىننىڭ ۇرپاققا قالدىرعان وسيەت سوزدەرى ەشقاشان ەسكىرمەيتىن جانە تاۋسىلمايتىن مول قازىنا. سونىمەن بىرگە، ەگەمەن ەلىمىزدىڭ دامۋ جولىندا رۋحاني تىرەك بولاتىن التىن مۇرامىز. سوندىقتان، قانشا جىلدار، قانشا عاسىرلار وتسە دە اباي شىعارمالارى ارقاشاندا ماڭىزدى» - دەدى ءماجىلىس توراعاسى.

ن. نىعماتۋلين بۇگىندە دۇنيە جۇزىنە تارالعان اباي ەستافەتاسى جۇرەگى ەلىم دەپ، جەرىم دەپ سوعاتىن ءاربىر ازاماتقا رۋح بەرەتىن، جىگەر بەرەتىن ەرەكشە باستاما دەپ ەسەپتەيمىن، - دەدى.

پالاتا سپيكەرى ن. نىعماتۋلين اباي قۇنانبايۇلىنىڭ ولەڭىن وقىپ،   بۇل ماڭىزدى شارانى ودان ءارى جالعاستىرۋ ءۇشىن وزبەكستاندىق ارىپتەسى وزبەكستان پارلامەنتىنىڭ سپيكەرى، وزبەكستان ولي ءماجليسىنىڭ زاڭ شىعارۋ پالاتاسىنىڭ توراعاسى - نۋردينجون يسمويلوۆكە جولدادى.

Abai.kz