"اسكەري قىزمەت تۋرالى" زاڭ وزگەرتىلگەن سوڭ، ولار باسپانا الۋ قۇقىعىنان ايرىلدى. قورعانىس مينيسترلىگى وتستاۆكاداعى قىزمەتكەرلەرگە ارزان يپوتەكا ۇسىنىپ وتىر. بىراق اسكەر قىزمەتكەرلەرى مۇنداي ۇيدە تۇرۋدان باس تارتتى. ۇسىنىلعان ءۇي 1970-جىلدارى سالىنعان.
ميتينگكە ەلدىڭ ءتۇرلى ايماقتارىنان جۇزگە جۋىق ادام جينالدى.
"مەن پرەزيدەنت توقاەۆتان زەينەتتەگى اسكەر قىزمەتكەرلەرىنە باسپانا ورنىنا وتەماقى تولەۋىن سۇرايمىن", - دەدى ميتينگكە قاتىسۋشىلاردىڭ ءبىرى قايرات جۇندىباەۆ.
ادۆوكات ايمان وماروۆانىڭ ايتۋىنشا، ماسەلەنى شەشۋ ءۇشىن 18 ملرد تەڭگە قاجەت. ونىڭ مالىمەتى بويىنشا، قورعانىس مينيسترلىگى بيىل 47 ميلليارد تەڭگەنى يگەرمەگەن. بىراق مينيسترلىكتەگىلەر بۇل اقشا قارۋ-جاراق الۋعا بولىنگەنىن ايتىپ وتىر.
"بىزدە بارلىعىن باسپانامەن قامتۋ جاۋاپكەرشىلىگى جوق. ءبىز مىندەتتەرىمىزدىڭ بارلىعىن ورىنداپ وتىرمىز", - دەدى قورعانىس ءمينيسترىنىڭ ورىنباسارى تيمۋر داندىباەۆ.
Abai.kz
