قاسىم-جومارت توقاەۆ الماتى قالاسىنىڭ اكىمى باقىتجان ساعىنتاەۆتى قابىلدادى.

مەملەكەت باسشىسىنا الماتىنىڭ الەۋمەتتىك-ەكونوميكالىق دامۋى، ۇكىمەتتىڭ كەڭەيتىلگەن وتىرىسىنىڭ قورىتىندىسى بويىنشا بەرىلگەن تاپسىرمالاردىڭ ورىندالۋ بارىسى تۋرالى اقپارات ۇسىنىلدى.

قازاقستان پرەزيدەنتى قالا ينفراقۇرىلىمىنىڭ ساپاسىن ارتتىرۋ، قوعامدىق قاۋىپسىزدىكتى نىعايتۋ، كولىك جۇيەسىن، مەديتسينا جانە ءبىلىم سالالارىن دامىتۋ، سونداي-اق، «حالىقتىڭ ۇنىنە قۇلاق اساتىن مەملەكەت» تۇجىرىمداماسىن بەلسەندى تۇردە جۇزەگە اسىرۋ اسا ماڭىزدى ەكەنىن اتاپ ءوتتى.

سوڭىندا قاسىم-جومارت توقاەۆ الداعى وقۋ جىلىنا دايىندىق، تۇرعىندارعا ساپالى مەديتسينالىق كومەك كورسەتۋ جانە شاھاردا قوردالانعان وزەكتى ماسەلەلەردى شەشۋ جونىندە بىرقاتار ناقتى تاپسىرما بەردى.

Abai.kz