مۇرات ابەنوۆ، دەپۋتات. قىزىلوردالىق پوليتسەيلەردىڭ «قىزىعى» بۇلدىرشىندەر بايقاۋى ما؟
ءىىم ق.قاسىموۆقا قىزىلوردا وبلىسىندا بۇلدىرشىندەر اراسىندا ۇيىمداستىرىلعان ءسان بايقاۋى تۋرالى حات
«ءبىزدىڭ سەنگەن پوليتسيامىز بالا قىزدارىمىزدى ساحنا تورىندە - جۇرت الدىندا شەشىندىرىپ، كۋپالنيكپەن ولاردىڭ دەنە، ءتان سۇلۋلىعىن ساراپقا سالعانى، وعان ۇلكەندەردىڭ قازىلىق جاساپ، جۇلدەلى ورىن بەلگىلەپ، ءاپ-ادەمى بولعاندارى بالا بولاشاعىنا جاسالعان قيانات ەكەنى انىق»، - «اقمەشىت اقشامى» گازەتى.
قازاقستان رەسپۋبليكاسىنىڭ
ىشكى ىستەر ءمينيسترى
ق.ن. قاسىموۆقا
مەنىڭ ءسىزدىڭ اتىڭىزعا حات جازۋىمنىڭ نەگىزى ىشكى ىستەر ورگاندارى تاراپىنان قىزىلوردا وبلىسىندا بۇلدىرشىندەر اراسىندا ۇيىمداستىرىلعان ءسان بايقاۋى توڭىرەگىندە تۋىنداعان جاعىمسىز قوعامدىق پىكىر بولىپ وتىر.
اتاپ ايتقاندا، ماۋسىم ايىندا قىزىلوردا قالاسىندا جاسوسپىرىمدەر اراسىندا ناشاقورلىقپەن كۇرەس شەڭبەرىندە 3-5 جاستاعى قىز بالالار اراسىندا سۇلۋلىق بايقاۋى ءوتتى. وسى كونكۋرستىڭ اياسىندا بۇلدىرشىندەردىڭ سۋعا تۇسەتىن كيىممەن «دەفيلە» جاساۋى جۇرتشىلىقتىڭ قاتتى نارازىلىعىن تۋعىزدى. بۇل جاستاعى بالالاردىڭ وزدەرى شەشىم قابىلداي المايتىندىعى، ءتىپتى ءوز بەتتەرىنشە كيىنىپ، شەشىنە دە المايتىندىعى بەلگىلى. اتالعان بايقاۋ «استانا» تەلەكانالىندا، «حالىق ءسوزى»، «اقمەشىت اقشامى» گازەتتەرىندە، www.masa.kz, www.nur.kz ينتەرنەت-رەسۋرستارىندا جارىقتاندىرىلىپ، الەۋمەتتىك جەلىلەردە كەڭىنەن تالقىلاندى.
ءىىم ق.قاسىموۆقا قىزىلوردا وبلىسىندا بۇلدىرشىندەر اراسىندا ۇيىمداستىرىلعان ءسان بايقاۋى تۋرالى حات
«ءبىزدىڭ سەنگەن پوليتسيامىز بالا قىزدارىمىزدى ساحنا تورىندە - جۇرت الدىندا شەشىندىرىپ، كۋپالنيكپەن ولاردىڭ دەنە، ءتان سۇلۋلىعىن ساراپقا سالعانى، وعان ۇلكەندەردىڭ قازىلىق جاساپ، جۇلدەلى ورىن بەلگىلەپ، ءاپ-ادەمى بولعاندارى بالا بولاشاعىنا جاسالعان قيانات ەكەنى انىق»، - «اقمەشىت اقشامى» گازەتى.
قازاقستان رەسپۋبليكاسىنىڭ
ىشكى ىستەر ءمينيسترى
ق.ن. قاسىموۆقا
مەنىڭ ءسىزدىڭ اتىڭىزعا حات جازۋىمنىڭ نەگىزى ىشكى ىستەر ورگاندارى تاراپىنان قىزىلوردا وبلىسىندا بۇلدىرشىندەر اراسىندا ۇيىمداستىرىلعان ءسان بايقاۋى توڭىرەگىندە تۋىنداعان جاعىمسىز قوعامدىق پىكىر بولىپ وتىر.
اتاپ ايتقاندا، ماۋسىم ايىندا قىزىلوردا قالاسىندا جاسوسپىرىمدەر اراسىندا ناشاقورلىقپەن كۇرەس شەڭبەرىندە 3-5 جاستاعى قىز بالالار اراسىندا سۇلۋلىق بايقاۋى ءوتتى. وسى كونكۋرستىڭ اياسىندا بۇلدىرشىندەردىڭ سۋعا تۇسەتىن كيىممەن «دەفيلە» جاساۋى جۇرتشىلىقتىڭ قاتتى نارازىلىعىن تۋعىزدى. بۇل جاستاعى بالالاردىڭ وزدەرى شەشىم قابىلداي المايتىندىعى، ءتىپتى ءوز بەتتەرىنشە كيىنىپ، شەشىنە دە المايتىندىعى بەلگىلى. اتالعان بايقاۋ «استانا» تەلەكانالىندا، «حالىق ءسوزى»، «اقمەشىت اقشامى» گازەتتەرىندە، www.masa.kz, www.nur.kz ينتەرنەت-رەسۋرستارىندا جارىقتاندىرىلىپ، الەۋمەتتىك جەلىلەردە كەڭىنەن تالقىلاندى.
وسى ماسەلەگە قاتىستى www.nur.kz پورتالى الەۋمەتتىك سۇراۋ جۇرگىزدى. وعان 2 كۇن ىشىندە 441 ادام قاتىسىپ, ءوز پىكىرلەرىن ءبىلدىردى. سۇراۋ قورىتىندىسى بويىنشا وعان قاتىسۋشىلاردىڭ
- 76% بۇلدىرشىندەر اراسىنداعى وسىنداي ءسان بايقاۋلارعا تىيىم سالۋ كەرەك دەپ جاۋاپ بەرسە،
- 4% ەلدەگى بارلىق بايقاۋلاردى الىپ تاستاۋ كەرەك دەپ ەسەپتەيدى.
حابارلاسقان قىزىلوردا وبلىسىنىڭ تۇرعىندارى، تەلەكورەرمەندەر مەن وقىرماندار 95%-دان اسا تۇرعىلىقتى ۇلت وكىلدەرى مەكەندەيتىن وڭىردە وسىنداي ءىس-شارانىڭ وتكىزىلىۋى داستۇرگە، ادەت-عۇرىپقا قارسى جانە سابيلەردى رۋحاني ازدىرۋعا الىپ كەلەدى دەپ پايىمدايدى.
اسىرەسە، اتالعان شارانى قۇقىق قورعاۋ ورگاندارىنىڭ ۇيىمداستىرۋى تۇرعىنداردىڭ نارازىلىعىن تۋعىزۋدا.
«ءبىزدىڭ سەنگەن پوليتسيامىز بالا قىزدارىمىزدى ساحنا تورىندە - جۇرت الدىندا شەشىندىرىپ، كۋپالنيكپەن ولاردىڭ دەنە، ءتان سۇلۋلىعىن ساراپقا سالعانى، وعان ۇلكەندەردىڭ قازىلىق جاساپ، جۇلدەلى ورىن بەلگىلەپ، ءاپ-ادەمى بولعاندارى بالا بولاشاعىنا جاسالعان قيانات ەكەنى انىق»، - دەپ جازادى جەرگىلىكتى «اقمەشىت اقشامى» گازەتى.
تۇرعىندار وسىنداي بايقاۋلار ناشاقورلىق دەڭگەيىن تومەندەتۋدەن گورى، بالالاردىڭ پسيحيكاسىنا، مىنەز-قۇلقىنا كەرى اسەرىن تيگىزەدى دەپ قاۋىپتەنەدى.
سونىمەن قاتار، سوڭعى كەزدەرى رەسپۋبليكا بويىنشا، اسىرەسە، ءداستۇرلى قازاقي ادەت-عۇرىپ ساقتالعان وڭىرلەردە ەرەسەكتەر تاراپىنان بالالارعا قاتىستى زورلىق-زومبىلىق ءىس-ارەكەتتەردىڭ جيىلەپ كەتۋى تۇرعىنداردىڭ الاڭداۋشىلىعىن تۋعىزۋدا جانە بۇل ماسەلە اسا كوڭىل ءبولۋدى تالاپ ەتەدى. مىسالى، جۋىردا تۇركىستان قالاسىندا 4 جاسار قىزدى زورلاۋ جاعدايى ورىن السا، وتكەن اپتادا ءسان كونكۋرسى وتكەن قىزىلوردا قالاسىندا دا 6 جاسار قىزدى زورلاۋ فاكتىسى تىركەلدى.
وسىعان بايلانىستى بىرقاتار سۇراقتار تۋىنداۋدا. ولار:
1. كىشكەنتاي قىز بالالار اراسىندا ءسان بايقاۋىن وتكىزۋ مينيسترلىك تاراپىنان قالاي رۇقسات ەتىلدى جانە بۇل شارا الدىن الا جوسپارلانعان با؟
2. شارانىڭ قانشالىقتى تاربيەلىك ءمانى بار، ناشاقورلىقپەن كۇرەس بويىنشا وسىنداي شارانى وتكىزۋگە 2-5 جاستاعى نىسانالى توپ قانداي ماقساتپەن تاڭدالعان جانە بالالاردىڭ قۇقىقتارى بۇزىلمادى ما؟
3. مەملەكەتتىڭ ۇيىمداستىرۋشىلىق قارجى رەسۋرستارى، ونىڭ ىشىندە جاسوسپىرىمدەر اراسىندا ناشاقورلىقتىڭ الدىن الۋعا بولىنگەن قاراجات قانشالىقتى ءتيىمدى جانە ماقساتتى جۇمسالدى؟
4. اتالعان ءسان بايقاۋىنىڭ قۇقىق قورعاۋ ورگاندارى تاراپىنان ۇيىمداستىرىلۋى بۇقارالىق اقپارات قۇرالدارىندا كەڭىنەن جارىقتاندىرىلىپ، جۇرتشىلىقتىڭ نارازىلىعىن تۋعىزدى. وسىعان سايكەس مينيسترلىك تاراپىنان قىزمەتتىك تەكسەرۋ جۇرگىزىلىپ، قالىپتاسقان جاعداي بويىنشا تالداۋ جاسالدى ما جانە ونى ۇيىمداستىرۋشىلارعا قاتىستى تارتىپتىك شارا كورىلدى ما؟
5. سوڭعى كەزدەرى رەسپۋبليكادا ەرەسەكتەر تاراپىنان بالالارعا قاتىستى زورلىق-زومبىلىق ءىس-ارەكەتتەردىڭ ءورشىپ بارا جاتۋىنا بايلانىستى مينيسترلىك تاراپىنان وعان قارسى قانداي پارمەندى شارالار قابىلدانۋدا؟
قۇرمەتتى كالمۇحانبەت نۇرمۇحانبەتۇلى! بۇل ماسەلە بويىنشا ىشكى قىزمەتتىك تەكسەرۋ جۇرگىزىپ، ءتيىستى لاۋازىمدى تۇلعالاردىڭ جاۋاپكەرشىلىگىن قاراستىرۋدى جانە ناتيجەسىمەن مەنى تانىستىرۋدى سۇرايمىن.
سونىمەن قاتار، جاسوسپىرىمدەر اراسىندا ناشاقورلىقتى الدىن الۋ جانە ەرەسەكتەر تاراپىنان بالالارعا قاتىستى زورلىق-زومبىلىقتىڭ بولدىرماۋ بويىنشا اتقارىلىپ جاتقان جۇمىستار جونىندە ماعان اقپارات بەرۋدى سۇرايمىن.
قۇرمەتپەن، م. ابەنوۆ
muratabenov.kz دەپۋتات مۇرات ابەنوۆتىڭ بلوگى
