امەريكانىڭ ۇلتتىق قاۋىپسىزدىك باسقارماسى ءدال وسىلاي دەپ وتىر. اقش-تىڭ يمميگراتسيالىق قىزمەتىنىڭ ەرەكشە تىزىمىنە «لاڭكەستىك ۇيىمدار مەن ولاردىڭ وكىلدەرىنە قاتىسى بار ءھام قولداۋ كورسەتەتىن بەلگىلەر بايقالاتىن» ەلدەر كىرەدى ەكەن. بۇل جەردە قازاقستان عانا ەمەس، تاجىكستان، تۇركىمەنستان، وزبەكستاندا كىرىپتى. اقپاراتتارعا قاراعاندا، اتالعان ءتىزىمدى قانداي نەگىزگە سۇيەنىپ، جاسايتىنى جونىندە امەريكانىڭ ۇلتتىق قاۋىپسىزدىك باسقارماسىنىڭ وكىلدەرى ءلام دەپ اۋىز اشپاپتى.

حوش، سونىمەن اقش ءۇشىن قۇبىجىق ەلگە اينالا باستادىق. البەتتە، مۇنىڭ وتكەندەگى كەڭقياق پەن شۇبارشيدەگى قاندى وقيعالاردىڭ جانە سوڭعى جىلدارى قوعامنىڭ كوزىنە شىققان سۇيەلدەي بولعان يسلامدىق تەرىس پيعىلدى ءدىني اعىمداردىڭ ارەكەتىمەن سۇلبالاسىپ جاتقانى راس. ايتپەسە، امەريكاندىق «فوربس» جۋرنالىنان بايلارىمىزدى عانا كورىپ، كوزايىم بولىپ جۇرگەن ءبىزدىڭ ەلدىڭ الگى اتى جامان تىزىمگە ىلىكپەسى انىق.

امەريكانىڭ ۇلتتىق قاۋىپسىزدىك باسقارماسى ءدال وسىلاي دەپ وتىر. اقش-تىڭ يمميگراتسيالىق قىزمەتىنىڭ ەرەكشە تىزىمىنە «لاڭكەستىك ۇيىمدار مەن ولاردىڭ وكىلدەرىنە قاتىسى بار ءھام قولداۋ كورسەتەتىن بەلگىلەر بايقالاتىن» ەلدەر كىرەدى ەكەن. بۇل جەردە قازاقستان عانا ەمەس، تاجىكستان، تۇركىمەنستان، وزبەكستاندا كىرىپتى. اقپاراتتارعا قاراعاندا، اتالعان ءتىزىمدى قانداي نەگىزگە سۇيەنىپ، جاسايتىنى جونىندە امەريكانىڭ ۇلتتىق قاۋىپسىزدىك باسقارماسىنىڭ وكىلدەرى ءلام دەپ اۋىز اشپاپتى.

حوش، سونىمەن اقش ءۇشىن قۇبىجىق ەلگە اينالا باستادىق. البەتتە، مۇنىڭ وتكەندەگى كەڭقياق پەن شۇبارشيدەگى قاندى وقيعالاردىڭ جانە سوڭعى جىلدارى قوعامنىڭ كوزىنە شىققان سۇيەلدەي بولعان يسلامدىق تەرىس پيعىلدى ءدىني اعىمداردىڭ ارەكەتىمەن سۇلبالاسىپ جاتقانى راس. ايتپەسە، امەريكاندىق «فوربس» جۋرنالىنان بايلارىمىزدى عانا كورىپ، كوزايىم بولىپ جۇرگەن ءبىزدىڭ ەلدىڭ الگى اتى جامان تىزىمگە ىلىكپەسى انىق.

ساراپاشىلار بيلىكتىڭ ءدىني ماسەلەنى رەتتەۋ مەن باقىلاۋدى كەشتەتىپ قولعا العانىن ءدىن ىستەرى جونىندەگى اگەنتتىك قۇرىلعاننان بەرى ايتىپ كەلەدى. جان بار ءسوز. ەگەر بيلىك ءدىني ىستەرى جونىندەگى اگەنتتىكتى قۇرماس بۇرىن ءمۇفتياتتىڭ قۇزىرەتىن كۇشەيتۋ ارقىلى يسلامدىق ءدىني اعىمدارمەن الىسقاندا اقتوبەدەگى وقيعانىڭ الدىن الۋعا بولار ما ەدى، كىم ءبىلسىن. بيلىك تەك وزىنە قاۋىپ تونە جازداعان ساتتە عانا بارىپ، شىرماۋىقتاي شىرمالعان ءدىني اعىمدارمەن ايقاسقا شىقتى. ىلە-شالا امەريكادا تىزىمىنە قوسا قويدى. امبەسى، «ءبىر ۇلت، ءبىر ءدىن» دەگەن ۇسىنىسپەن شىققان ءدىن ىستەر جونىندەگى اگەنتتىكتىڭ باسشىسىن كەيبىر دەپۋتاتتار «كوپۇلتتى ەلىمىزگە تۇسكەن كولەڭكە» دەپ سىنعا العانىنىڭ ءوزى ۇكىمەتتىڭ ءدىن ماسەلەسىندە ءالى ءدۇدامال كۇيدە ەكەنىن ايعاقتادى. ولاي بولماسا، «نۇر وتان» پارتياسىنىڭ باعىنىشتى دەپۋتاتتارى ۇكىمەتتىڭ قۇزىرىنداعى كوميتەتكە ايتاقسىز قارسى شىقپاسى بەلگىلى.

امەريكانىڭ قازاقستاندى تىزىمگە تىركەپ جىبەرۋىنىڭ استارىنا ورتا ازيا مەن قازاقستانعا قاتىستى ۇزاق جىلدارعا ارنالعان ساياساتىنىڭ ءبىر ۇشى جاتۋى مۇمكىن ەكەنىن جوققا شىعارۋعا بولمايدى. بار گاپ - مۇناي. ونىڭ ۇستىنە باراك وباما اق ۇيگە كىرەر كەزدە «اۋعانستاننان اسكەردى شىعارامىن»، دەپ سايلاۋشىلارىنا ۋادە بەرگەن. كەلەسى سايلاۋ بولسا جاقىنداپ قالدى. وتىرىك ۋادە ەكەنىن بىلسە دە سەنە سالاتىن ءبىزدىڭ سايلاۋشىلار مەن اقش-تىڭ سايلاۋشىلارىن سالىستىرۋعا كەلمەيدى. دەمەك، ءتىزىمنىڭ ءتۇبى تەرەڭدە.

ايتپاقشى، رەسمي اقپاراتقا قول جەتكىزۋ قيامەت-قايىم ءبىزدىڭ ەلدە بولار يا بولىپ جاتقان دۇنيەنىڭ الىپ-قاشپا اڭگىمە تۇرىندە جۇرەتىنىن ەسكەرسەك، اكەيبىر نيەتى جامان ءدىني اعىمداردىڭ قامقورى بيلىك تە» دەپ كەلەتىن ۇزىنقۇلاقتىڭ اڭگىمەسىنىڭ اقيقاتى اقش-تىڭ ۇلتتىق قاۋىپسىزدىك باسقارماسى وكىلدەرىنىڭ: «لاڭكەستىك ۇيىمدار مەن ولاردىڭ وكىلدەرىنە قاتىسى بار ءھام قولداۋ كورسەتەتىن بەلگىلەر بايقالاتىن ەلدەر» دەگەنىندە جاتپاسىن؟!

ەندى كىمگە سەنەمىز، «اقتوبەدەگى مۇناي ۇرلىقشىلارىمەن ارنايى اسكەري جاساقتار جىبەرىپ الىسقان» بيلىككە مە، جوق اقش-تىڭ ۇلتتىق قاۋىپسىزدىك باسقارماسىنىڭ تىزىمىنە مە؟

«اباي-اقپارات»