كەشە قىزىلودادا ەلباسى نۇرسۇلتان نازارباەۆتىڭ "سەنىم. ديالوگ. بولاشاققا نىق قادام - "NurOtan" پارتياسىنىڭ 7 سەرپىنى" باعدارلاماسى بويىنشا پارتيا اكتيۆىنىڭ وتىرىسى ءوتتى. 

وتىرىسقا قىزىلوردا وبلىسىنىڭ اكىمى، "Nur Otan" پارتياسى وبلىستىق فيليالىنىڭ توراعاسى قۋانىشبەك ىسقاقوۆ قاتىسىپ، الداعى ۋاقىتتا باعدارلامانى جۇزەگە اسىرۋ ءوڭىر ءۇشىن باسىم مىندەت ەكەنىن بولىپ اتاپ ءوتتى.

-قازاقستاننىڭ تۇڭعىش پرەزيدەنتى ۇسىنعان «سەنىم. ديالوگ. بولاشاققا نىق قادام – «Nur Otan» پارتياسىنىڭ 7 سەرپىنى» اتتى پارتيا جۇمىسىن جۇيەلى جاڭعىرتۋ باعدارلاماسى پارتيانىڭ بەلسەندى مۇشەلەرىن توپتاستىرۋ، ياعني پارتيانىڭ يادرولىق ەلەكتوراتىن قالىپتاستىرۋ مەن باستاۋىش ۇيىمداردىڭ ءرولىن كوتەرۋ; جەمقورلىقپەن كۇرەستى كۇشەيتۋ مەن پارتيادان لايىقتى ەمەس مۇشەلەردى شىعارۋ ءۇشىن شارالار قابىلداۋ; بارلىق دەڭگەيدە پارتيا ورگاندارىنىڭ الەۋەتىن مەيلىنشە جۇزەگە اسىرۋ مەن بيلىكتىڭ بارلىق دەڭگەيىندەگى پارتيا الدىنداعى جاۋاپكەرشىلىگىن ارتتىرۋ; حالىقپەن، ونىڭ بارلىق الەۋمەتتىك توپتارىمەن ناقتى جۇمىس ىستەۋ قاعيداتىن ەنگىزۋ; پارتيانىڭ اقپاراتتىق-يدەولوگيالىق جۇمىسىن قارقىندى ۇيىمداستىرۋ جانە پارتيا توڭىرەگىنە جاستاردى بىرىكتىرۋ ءۇشىن شارالار قابىلداۋدى قامتيدى، - دەدى ايماق باسشىسى.

"Nur Otan" پارتياسى وبلىستىق فيليالى توراعاسىنىڭ ءبىرىنشى ورىنباسارى اقمارال ءالنازاروۆا پارتيانىڭ قىزمەتىن جانداندىرۋعا بايلانىستى اتقارىلاتىن جۇمىستار تۋرالى باياندادى. ماسەلەن، حالىقپەن كەرى بايلانىس ورناتۋ، الەۋمەتتىك جەلىلەر مەن تانىمال مەسسەندجەرلەر ارقىلى تۇرعىنداردىڭ وتىنىشتەرىن قابىلداۋ جانە ونى شەشۋ بويىنشا جۇمىستار كۇشەيتىلدى.

"ەلباسى تاپسىرعانداي، ءبىز نەگىزىنەن پارتيا مۇشەلەرىنىڭ سانىنا ەمەس، ساپاسىنا باستى نازار اۋدارىپ وتىرمىز. شاعىن ۇيىمدار ءىرى باستاۋىش ۇيىمدارعا بىرىكتىرىلدى. ناتيجەسىندە وڭىردەگى 272 باستاۋىش ۇيىمنىڭ جيىرماسى قىسقارتىلىپ، 252 باستاۋىش ۇيىم قالدى. وبلىستاعى 51350 پارتيا مۇشەسىنىڭ قۇرامىنا دا تالداۋ جاسالىنىپ، جىل باسىنان بەرى پارتيالىق جارناپۇل تولەمەگەندەر مەن پارتيامەن بايلانىسى ۇزىلگەن 4083 ادام پارتيا قۇرامىنان شىعارىلدى", - دەدى ا.ءالنازاروۆا.

ءوز كەزەگىندە، وبلىستىق قوعامدىق كەڭەستىڭ توراعاسى، وبلىستىق ءماسليحاتتىڭ حاتشىسى ناۋرىزباي بايقاداموۆ پەن دەپۋتاتتىق فراكتسيالار، باستاۋىش پارتيا ۇيىمدارىنىڭ باسشىلارى پارتيا جۇمىسىن جەتىلدىرۋ جونىندە بىرقاتار ۇسىنىستارىن ەنگىزدى.

قورىتا كەلە، وبلىس اكىمى قۋانىشبەك دوسمايىلۇلى "سەنىم. ديالوگ. بولاشاققا نىق قادام - "Nur Otan" پارتياسىنىڭ 7 سەرپىنى» باعدارلاماسىنا قاتىستى، سونىڭ ىشىندە "جاس وتان" پارتياسىنىڭ جاستار قاناتىنىڭ جۇمىسىن قولداۋ بويىنشا بىرقاتار تاپسىرمالار بەردى.

Abai.kz