مۇقاعالي قازاق پوەزياسىنىڭ ۇزاق ساعىنىپ كورگەن اسىل پەرزەنتتەرىنىڭ ءبىرى. ول شىن مانىندەگى ۇلتتىق قۇبىلىس. سىپىرا جىراۋ مەن اسان قايعىدان بەرمەن قارايعى جىراۋلىق مەكتەپتى ماحامبەت پەن دۋلات اياقتاسا، ابايدان باستالعان اقىندىق مەكتەپ ماعجان، سۇلتانماحمۇت، ءىلياس تۇسىندا سالتانات قۇرىپ، كوپ ۇزاماي ءبالدۋ-ءبالدۋ بادىك داۋرەنگە قايتا تاپ بولدى.

ايتقاندى قايتالاپ، جاز دەگەندى جازاتىن كەسىرلى زاماننىڭ قابىرعاسى سوعىس تۇسىندا سوگىلگەندەي ەدى. قان كەشكەن قاسىرەتتى ۇرپاقتىڭ وكسىك ارالاس وكىنىشى قاسىم جىرلارىنان كورىنىس تاپتى. سولارعا دەگەن بۇكىلحالىقتىق ماحاببات جىرشى قاۋىم تاراپىنان شىن سىر مەن شىنايى جىرعا دەگەن كەرەمەت قۇشتارلىقتى وياتتى.

مۇقاعالي قازاق پوەزياسىنىڭ ۇزاق ساعىنىپ كورگەن اسىل پەرزەنتتەرىنىڭ ءبىرى. ول شىن مانىندەگى ۇلتتىق قۇبىلىس. سىپىرا جىراۋ مەن اسان قايعىدان بەرمەن قارايعى جىراۋلىق مەكتەپتى ماحامبەت پەن دۋلات اياقتاسا، ابايدان باستالعان اقىندىق مەكتەپ ماعجان، سۇلتانماحمۇت، ءىلياس تۇسىندا سالتانات قۇرىپ، كوپ ۇزاماي ءبالدۋ-ءبالدۋ بادىك داۋرەنگە قايتا تاپ بولدى.

ايتقاندى قايتالاپ، جاز دەگەندى جازاتىن كەسىرلى زاماننىڭ قابىرعاسى سوعىس تۇسىندا سوگىلگەندەي ەدى. قان كەشكەن قاسىرەتتى ۇرپاقتىڭ وكسىك ارالاس وكىنىشى قاسىم جىرلارىنان كورىنىس تاپتى. سولارعا دەگەن بۇكىلحالىقتىق ماحاببات جىرشى قاۋىم تاراپىنان شىن سىر مەن شىنايى جىرعا دەگەن كەرەمەت قۇشتارلىقتى وياتتى.

سونداي قۇدىرەتتى تاسقىننىڭ بوي بەرمەس ەرەسەن كۇشى بارشا الاپات بولمىسىمەن كورىنىپ، اينالاسىنا اقىق پەن جاقۇت شاشقانداي ءماز مايرام ەتكەن  جويقىن ونەگەسىن مۇقاعالي شىعارماشىلىعىنان تانيمىز. ونىڭ بىلايعىلاردان الا بوتەن كوزگە ۇرىپ تۇراتىن ەرەكشە ءبىتىمى تۇگەلىمەن جىرعا اينالىپ كەتكەندەي. دۇنيەنىڭ وزىنە ۇقساس دۇلەي اقىن. دۇنيەنىڭ وزىنە ۇقساس جومارت جۇرەك. بۇگىندەگى قازاق رۋحى ادىڭ-كۇدىڭ تىرشىلىكتەن جالىعىپ كەتكەندە مۇقاعالي جىرلارىنا ۇڭىلەدى. ونىڭ ورىنسىز، قۇيتىرقىسىز، ارتىق اشەكەي ءسانسىز مەيىلىنشە ەتەنە، مەيىلىنشە تابيعي شۋماقتارىنان جانىنا داۋا تابادى. ونىڭ ءۇنسىز جىميعانىنا دا حالىق جادىراپ، «قاعارجىپ ءۇنسىز جىلاعانىنان» دا حالىق تەبىرەنگەندەي، حالىق كۇڭىرەنگەندەي بولادى. ول حالىق بولمىسىمەن بىتە قايناسىپ كەتكەن ۇلى تۇلعا. ۇلى قۇبىلىس. ۇلى اقىن.

مۇقاعاليى بار حالىق ولمەيدى.  مۇقاعاليى بار ادەبيەت كۇننەن كۇنگە جاڭارا، جاسارا بەرەدى.

تىرشىلىكتىڭ تاتتىلىگى مەن اقيقاتتىڭ اششىلىعىنان مەيىرى قانعانشا ءدام تاتقان قاۋىمنىڭ وسكەلەڭدىگى مەن ومىرشەڭدىگى دە وسىندا.

مۇقاعالي حالقىمەن بىرگە ماڭگى ءومىر سۇرەدى.

«قازاق ادەبيەتى» گازەتى

№28-29

ءابىش كەكىلبايۇلى،

حالىق جازۋشىسى