27-قىركۇيەك - ءاليحان بوكەيحاننىڭ ناقاق اتىلعان كۇنى.

ءاليحان نۇرمۇحامەدۇلىن ءالى دە ءوزىنىڭ تۇلعالىق تۇعىرىنا شىعارا العان جوقپىز دەپ ەسەپتەيمىن.

ءيا، الاش تۋرالى ايتقاندى، تامسانعاندى الدەبىر قۇراما جيناقتار شىعارعاندى، رەتى كەلسە ءسوز اراسىنا قوسىپ الاششىل ەكەنىمىزدى، سولارداي ۇلت قىزمەتشىسى بولىپ جۇرگەنىمىزدى ەمەۋرىنمەن ايتقىمىز كەلىپ تۇرادى. ءتىپتى الەكەڭدى، الاشتى بيزنەستىڭ كوزىنە، اقشا تابۋدىڭ كوزىرىنە اينالدىرۋدان دا ارلانبايمىز. ويتكەنى تاريحي جادى كىرەسىلى-شىعاسىلى سال قوعام كىم نە ايتسا دا قىلعىتىپ جۇتا بەرەدى.

سوسىن، قازىرگى بيلىككە جاقىن كەيبىر ازاماتتار دا ەكى كەمەنىڭ قۇيرىعىن قاتار ۇستاپ ءارى الاششىل ءارى بيلىكشىل ۇستانىمدا جۇرگەندەرىن دە جاسىرىپ قايتەمىز. الەكەڭ ءبىزدىڭ مۇنداي سولقىلداق، ەكىجۇزدىلىگىمىز كورسە، "قازاق" گازەتىندە سويىپ سالار ەدى. سوندىقتان ۋاقىتى كەلگەندە، ورەمىز وسكەندە تاريحي تۇلعالاردى، سونىڭ ىشىندە الەكەڭنىڭ تاريحي تۇلعالىق تۇرپاتىن ارنايى مارتەبەمەن بەكىتىپ، كىم كورىنگەننىڭ ول كىسىنىڭ اتىن پايدالانۋىنا جول بەرمەيتىن، استانانىڭ باس الاڭىندا ايباتتى ەسكەرتكىشىن ورناتىپ، ەلدىڭ ءار قالاسى، اۋدانى مەن اۋىلىنداعى "تاۋەلسىزدىك", "ماڭگىلىك ەل" كوشەلەرى مەن داڭعىلدارىن الەكەڭنىڭ اتىنا اۋىستىرىپ ناعىز رۋحاني جاڭعىراتىن كۇن تۋادى دەپ ۇمىتتەنەمىن!

ءومىرجان ابدىحالىقۇلىنىڭ facebook پاراقشاسىنان

Abai.kz