2019 جىلعى 3 قازان كۇنى قازاقستان رەسپۋبليكاسى مادەنيەت جانە سپورت مينيسترلىگىنىڭ تاپسىرىسىمەن «تۋعان جەر» قازاقستاندىق ولكەتانۋشىلار بىرلەستىگى» قوعامدىق بىرلەستىگى قازاقستان رەسپۋبليكاسى ۇلتتىق مۋزەيىمەن بىرلەسە وتىرىپ، «قازاقستاننىڭ كيەلى جەرلەرىنىڭ گەوگرافياسى» اتتى حالقارالىق عىلىمي-تاجىريبەلىك كونفەرەنتسيا وتكىزەدى.

كونفەرەنتسيانىڭ باستى ماقساتى–«قازاقستاننىڭ قاسيەتتى جەرلەرىنىڭ گەوگرافياسى» ارنايى جوباسىن جۇزەگە اسىرۋ قورىتىندىسىن شىعارۋ، تاريحي-مادەني مۇرانى زەرتتەۋ جانە كوپشىلىككە تاراتۋ سالاسىندا حالىقارالىق تاجىريبە الماسۋ.

شارا بارىسىندا كيەلى جەرلەر گەوگرافياسىنىڭ تەوريالىق-ادىستەمەلىك نەگىزدەرى، قازاقستاننىڭ رۋحاني قاسيەتتى ورىندارىن زەرتتەۋ، ساقتاۋ جانە كوپشىلىككە تاراتۋ بويىنشا پراكتيكالىق ۇسىنىستار، قازاقستاننىڭ كيەلى جەرلەرىنىڭ گەوگرافياسى: مۋزەي كەڭىستىگىندە قايتا تانىستىرۋ ماسەلەلەرى تالقىلانادى.

كونفەرەنتسياعا شەتەلدەردەن عالىمدار، ولكەتانۋشىلار، مۋزەي قىزمەتكەرلەرى شاقىرىلدى: ايتپاەۆا گۋلنارا –«ايگينە» مادەني زەرتتەۋلەر ورتالىعىنىڭ ديرەكتورى (قىرعىزستان رەسپۋبليكاسى), زامياتين د.ن، – مادەنيەتتانۋ دوكتورى (رف), لارينا ە.ي.- م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ دوتسەنتى (رف), ابدوللا كاراچاح – PhD دوكتورى، اكدەنيز ۋنيۆەرسيتەتىنىڭ پروفەسسورى (تۇركيا), شرامكو ي.ب. – ۆ.ن.كارازين اتىنداعىحاركوۆ ۇلتتىق ۋنيۆەرسيتەتىنىڭ ارحەولوگيا مۇراجايىنىڭ ديرەكتورى (ۋكراينا), لايوس كەمەچي – ەتنوگرافيالىق مۇراجايدىڭ ديرەكتورى (ۆەنگريا), دجامال ال-مووساۆي – ومان سۇلتاناتىنىڭ ۇلتتىق مۇراجايىنىڭ باس ديرەكتورى (ومان).

Abai.kz