2019 жылғы 3 қазан күні Қазақстан Республикасы Мәдениет және спорт министрлігінің тапсырысымен «Туған жер» қазақстандық өлкетанушылар бірлестігі» қоғамдық бірлестігі Қазақстан Республикасы Ұлттық музейімен бірлесе отырып, «Қазақстанның киелі жерлерінің географиясы» атты халқаралық ғылыми-тәжірибелік конференция өткізеді.

Конференцияның басты мақсаты–«Қазақстанның қасиетті жерлерінің географиясы» арнайы жобасын жүзеге асыру қорытындысын шығару, тарихи-мәдени мұраны зерттеу және көпшілікке тарату саласында халықаралық тәжірибе алмасу.

Шара барысында киелі жерлер географиясының теориялық-әдістемелік негіздері, Қазақстанның рухани қасиетті орындарын зерттеу, сақтау және көпшілікке тарату бойынша практикалық ұсыныстар, Қазақстанның киелі жерлерінің географиясы: музей кеңістігінде қайта таныстыру мәселелері талқыланады.

Конференцияға шетелдерден ғалымдар, өлкетанушылар, музей қызметкерлері шақырылды: Айтпаева Гульнара –«Айгине» мәдени зерттеулер орталығының директоры (Қырғызстан Республикасы), Замятин Д.Н, – мәдениеттану докторы (РФ), Ларина Е.И.- М.В.Ломоносов атындағы Мәскеу мемлекеттік университетінің доценті (РФ), Абдолла Карачах – PhD докторы, Акдениз университетінің профессоры (Түркия), Шрамко И.Б. – В.Н.Каразин атындағыХарьков ұлттық университетінің археология мұражайының директоры (Украина), Лайос Кемечи – этнографиялық мұражайдың директоры (Венгрия), Джамаль аль-Моосави – Оман Сұлтанатының Ұлттық мұражайының бас директоры (Оман).

Abai.kz