وپپوزيتسيا جوق بۇل ەلدە دەپ وكپە ارتامىز. سىنايمىز. بىرلىگى جوق دەپ كۇيىنەمىز. ساتىپ كەتتى دەپ سان ۇرامىز.
بىراق...                                                                                                              كوزگە جارق ەتىپ كورىنگەن وپپوزيتسيالىق تۇلعانىڭ ىزىنە ءتۇسىپ، جالا جاۋىپ، تۇرمەگە توعىتىپ، باسىن قاعىپ تاستايتىن، وپپوزيتسيالىق ۇيىمداردىڭ ورتاسىنا قولدان ىرىتكى سالىپ، تۋ-تالاقاي ەتەتىن اۆتوريتارلى جۇيەدە تاۋەلسىز وپپوزيتسيا قۇرۋ مۇمكىن بە؟

دەموكراتيانى "باتىستىڭ قالپاعى" دەيتىن جۇيەدە، ءوز تۋعان حالقىنا قوس ستاندارتتى شەبەر قولداناتىن جۇيەدە، بەيبىت شەرۋگە شىققان ازاماتتارىن تەمىر تورعا تىعاتىن جۇيەدە، بيلىكتى ءبىراۋىز سوزبەن سىناعانداردى ويسىراتاتىن جۇيەدە بىرلىگىنە سىزات تۇسپەيتىن، ىرگەسى بەرىك، بيلىككە بالاما وي ايتىپ، كونكۋرەنتسياعا توتەپ بەرە الاتىن مىقتى وپپوزيتسيالىق ۇيىمنىڭ ومىرشەڭ بولۋى مۇمكىن بە؟

نەگە بۇل ەلدە تاۋەلسىز پارتيا قۇرۋ مۇمكىن ەمەس؟
نەگە دەموكراتيالىق كۇشتەر ءوز ەركىمەن ساياسي دوداعا تۇسە المايدى؟
نەگە پارلامەنتتە "قۋىرشاق" پارتيالار وتىر؟