بايقاساڭىزدار بۇگىنگى جۇيە ءبىزدىڭ قوعامدى پروگرەسكە باستاي المايدى. 30 جىل ۋاقىتىن وتكىزىپ العان. بۇلاردىڭ قولىنان ەڭ كەرەمەت كەلەتىن ءىس - ءتۇرلى ازاماتتاردى ورتاعا سالىپ ەسى دۇرىس پارتيانىڭ قۇرىلۋىنا جول بەرمەۋ، ىرىتكى سالىپ ىدىراتۋ، ءدىندارلاردى ورتاعا سالىپ جۇيەگە قارسىلىق كۇشى ارتىپ كەلە جاتقان قوعامدى ءبىر-بىرىنە ايداپ سالۋ. كوممۋنيستەردىڭ تاربيەسىن العاندىعى وسىدان كورىنەدى.

ال، ساۋاتتى باسەكەگە شىعۋ، وركەنيەتتى تۇردە مىقتى وپپوزيتسيامەن ساياسي دوداعا ءتۇسۋ، ەكونوميكالىق رەفورمانىڭ التەرناتيۆاسىن ۇسىنا الاتىن بىلىكتى ماماندارمەن كونكۋرەنتسياعا شىعۋ قولدارىنان كەلمەيدى. بۇل جۇيەنىڭ بارى دا، نارى دا وسى. قازىرگى جۇيە ەل باسىندا وتىرعان زامان قازاقستان ءۇشىن جوعالتقان ۋاقىت پەن مۇمكىندىكتەردەن تۇراتىن بولادى. قۇداي بەرگەن شيكىزاتتىڭ كۇشىمەن ءالى ءبىراز وتىرۋى مۇمكىن. بىراق حالىقتىڭ كوزى اشىلعان سايىن كەتەتىن ۋاقىتى جاقىنداي بەرمەك.

باۋىرجان سەرىكبايدىڭ facebook پاراقشاسىنان

Abai.kz