جاپونداردىڭ ورتاشا تابىسى $3,0-3,2 مىڭ. بۇل ەلدە سەميا بيۋدجەتىنىڭ 42% بالالارىنىڭ ءبىلىم الۋىنا ياعني بولاشاق ادام كاپيتالىنىڭ دامۋىنا جۇمسالادى.

سوندىقتان ولاردىڭ ەڭبەك ونىمدىلىگى، تابىسى، تۇرمىس دەڭگەيى بىزدەن 9-10 ەسە جوعارى بولسا، ورتاشا ءومىر ۇزاقتىعى 18-19 جاسقا ارتىق. ءبىزدىڭ ەلدە تاۋەلسىزدىك جىلدارى مەكتەپ پەن ۋنيۆەرلەردەن ءبىر دە ءبىر جاڭالىق وندىرىسكە ەنبەسە، ولاردا ءاربىر ونىنشى ۇيدە روبوتتار شىعارادى.

جاپوندار ءتىلى مەن مەنتاليتەتى بىزگە وتە جاقىن حالىق. ال، ءبىزدىڭ مەكتەپتەردە مۇعالىم، نە ديرەكتور اقشا جينادى، قور قۇردى ت.ب. بىتپەيتىن بوس ءسوز. ەندى ول "الەمدىك دەڭگەيدەگى ماسەلەنى" مينيسترلىك پەن پارلامەنت زاڭداستىرۋ كەرەك. ياعني، مىسالى قانداعاشتىڭ مەكتەبىندە كىم-قانشا اقشا قاشان جيناۋ، نە جيناماۋ كەرەك؟ تۇك ونبەيتىن قانداي بيشارالىق؟!

وسىدان 3-4 جىل بۇرىن الماتى قالاسى "نۇروتان" پارتياسىنىڭ فيليالىنا تۇسكەن ارىز بويىنشا مۇعالىم، ديرەكتور ت.ب. شاقىرىپ مەكتەپتەگى اقشا جيناۋ ماسەلەسىنى قاراعاندا تۇككە ءتۇرمايتىن ءىس ەكەنى انىقتالدى.
ودان دا سول جيناعان اقشانى باقىلايتىن اتا-انالار كوميتەتى مەن رەۆيزيلىق كوميسسيا قۇرىپ، سول جينالعان قارجىنى ءبىلىم ساپاسىن جاقسارتۋعا جۇمساۋعا اتسالىسپايسىڭدار ما؟

مەكتەپ، ليتسەي، ۋنيۆەرلەردىڭ ءبىرىنشى مىندەتى ساپالى ءبىلىم بەرۋ! ول ارزان بولا ما، قىمبات بولا ما - ول ماڭىزدى ەمەس، 2-ءشى، نە 10-شى كەزەكتەگى ماسەلە.

اتا-انا، مۇعالىمدەر وسىنداي ءمانسىز ىستەرمەن اينالىسقاندىقتان ءبىزدىڭ وقۋ ورىندارى، ماماندىعى جوق، نە ءوندىرىس-بيزنەسكە جارامسىز ياعني جۇمىسقا ورنالاسا المايتىن باقىتسىز جاستاردى شىعارادى. ول قوعامنىڭ ءوزى دە باقىتسىز، ءارى بيشارا.

قر جاستارى سۋيتسيدتەن قىرعىن سوعىس ءجۇرىپ جاتقان سيريا ت.ب. الدىندا، الەمدە 1-3, اجىراسۋ، ابورت، وتباسىلىق زورلىق-زومبىلىقتان 4-ءشى ورىن الادى...

اعايىن، بارلىعىڭ ءبىر اۋىل، اۋداندا تۇراسىڭدار. توي-ساداقاعا بىرگە بارىپ، ءوزارا قۇداندالى-جەكجاتسىڭدار ياعني ەكى دۇنيەنىڭ قىزىعىن بىرگە كورەسىڭدەر. سولاي بولا تۇرا، رۋ-تايپاعا ءبولىنىپ باستارىڭ قوسىلمايدى، كۇنشىلدىك، ارىزقويلىق ياعني ورتالارىڭدا ءوزارا سەنىم جوق، ارىز كوپ.

بۇل، بىرىگىپ ءىس قىلۋعا شورقاق، باقىتسىز قوعامنىڭ بەيشارا تىرلىگىنىڭ قورىتىندىسى. ونىڭ سەبەبى ءوزىمىز!

جانۇزاق اكىمنىڭ facebook پاراقشاسىنان

Abai.kz