قاسىم-جومارت توقاەۆ قر ادىلەت ءمينيسترى مارات بەكەتاەۆتى، پرەزيدەنتتىڭ پارلامەنتتەگى وكىلدىگىنىڭ باسشىسى بەيبىت يساباەۆتى، ۇلتتىق قوعامدىق سەنىم كەڭەسىنىڭ مۇشەلەرى ەرلان سايروۆ پەن مۇحتار تايجاندى قابىلدادى.

قازاقستان پرەزيدەنتى قاسىم-جومارت توقاەۆ ادىلەت ءمينيسترى مارات بەكەتاەۆقا ۇكىمەت دايىندايتىن زاڭ جوبالارىنىڭ ساپالى ورىندالۋىنا كوڭىل ءبولۋدى تاپسىردى.

بەيبىت يساباەۆ مەملەكەت باسشىسىنا پارلامەنتتەگى وكىلدىكتىڭ جۇمىسى، پرەزيدەنت جولداۋى مەن سايلاۋالدى باعدارلاماسىندا بەرىلگەن تاپسىرمالاردى ىسكە اسىرۋ بارىسىندا نەگىزگى باسىمدىقتاردى قامتيتىن زاڭ جوبالارىنىڭ قارالىپ جاتقانى تۋرالى باياندادى.

ەرلان سايروۆپەن اڭگىمە بارىسىندا ەلىمىزدەگى قوعامدىق-ساياسي جاعداي جانە الەۋمەتتىك-رۋحاني ماسەلەلەر، مەملەكەتتىڭ ايماقتىق دامۋى تۋرالى تالقىلاندى.

سونىمەن قاتار كەزدەسۋدە پرەزيدەنتتىڭ قازاقستان حالقىنا جولداۋىنىڭ باسىم باعىتتارى، ەلىمىزدىڭ كەيبىر شەكارالىق اۋداندارىنىڭ دامۋى، كوپبالالى وتباسىلاردى باسپانامەن قامتۋ جانە جاس ۇرپاققا ساپالى ءبىلىم بەرۋ جاعدايى ءسوز بولدى.

مۇحتار تايجانمەن وتكەن كەزدەسۋدە جەر ماسەلەسى، اسكەري-پاتريوتتىق تاربيە بەرۋ، قىلمىستىق جازاسىن وتەگەن ازاماتتاردى جۇمىسقا ورنالاستىرۋ جايى قوزعالدى.

سونداي-اق كەزدەسۋ بارىسىندا وڭىرلەردەگى ازاماتتاردى باسپانامەن جانە جۇمىسپەن قامتۋ، جول سالۋ، ەكولوگيا ماسەلەلەرى ايتىلدى.

Abai.kz