حالىقارالىق «ERG» (Eurasian Resources Group) كومپانياسى 2018 جىلدىڭ قورىتىندىسىن ءتۇزىپ، ەسەپتىك كەستەسىن جاريا ەتىپتى. تابيعي رەسۋرستاردى ءوندىرۋ مەن بايىتۋ سالاسىنداعى تۇراقتى دامۋدىڭ كەستەسى بويىنشا قازاقستاننىڭ دا رەيتينگىسى كورسەتىلگەن ەكەن. ءبىز بۇگىن اتالمىش رەيتينگتەگى قازاقستاننىڭ احۋال-جايىن شولىپ شىقپاقپىز...

قازىرگى تاڭدا قازاقستاننىڭ تاۋ-كەن جانە مەتاللۋرگيا سالاسىنداعى ERG ەڭبەككەرلەرىڭ سانى 62 500 ادامدى قۇرايتىن بولسا، ولاردىڭ 26 پايىزى ايەلدەر ەكەن.

«ERG» ەسەبىنە سۇيەنسەك، قازاقستاندا ولار ءوندىرىس قىزمەتىن جاقسارتۋدا جانە بيزنەستى ترانسفورماتسيالاۋ مەن وپەراتسيالىق تيىمدىلىكتى ارتتىرۋدا، سونداي-اق، اكتيۆتەر پورتفەلىن دامىتۋدا ەداۋىر العا جىلجىعان.

بۇعان بىرنەشە فاكتور اسەر ەتكەن. اتاپ ايتقاندا، اتالمىش سالا ەڭبەككەرلەرىنىڭ جاعدايىن جاقسارتۋعا كوڭىل بولىنگەن. دالىرەك ايتساق، 2018 جىلى ەلدەگى وندىرىستىك سالا قىزمەتكەرلەرىنىڭ ەڭبەكاقىسىن ديففەرەنتسيالدى تۇردە جوعارىلاتۋ جولعا قويىلسا، كاسىپورىندارداعى سانيتارلىق-تۇرمىستىق نىسانداردى ورتاق ستاندارتقا كەلتىرۋ ءۇشىن 13 ميلليون دوللار كولەمىندە قاراجات قاراستىرىلعان.

2018 جىلدىڭ قورىتىندىسى بويىنشا، ەڭبەككەرلەردىڭ جۇمىس بارىسىنداعى جاراقات الۋى، جۇمىسقا جارامسىز بولىپ قالۋى سەكىلدى LTIFR1 كورسەتكىشى (ەڭبەككە جارامدىلىقتى جوعالتاتىن جاراقاتتاردىڭ قايتالانۋ كوەفيتسەنتى) -15,9%-عا تومەندەگەن.

سونداي-اق، قازاقستاندا قىزمەتكەرلەردى قايتا وقىتىپ، ولاردىڭ بىلىكتىلىكتەرىن ارتتىرۋ جۇزەگە اسىرىلعان. ول ءۇشىن 5 ميلليون دوللار قاراستىرىلسا، تۇرعىن ءۇي باعدارلاماسى اياسىندا ەلدەگى 186 قىزمەتكەرىنە باسپانا بەرىلگەن.

«ERG-ءدىڭ جاس كوشباسشىلارى»، «كاسىبي ماماندار ليگاسى»، «يننوۆاتورلار فورۋمى»، «ءوسىم پورتالى» سىندى قازاقستانداعى تالانتتاردى باسقارۋ سەكىلدى بىرقاتار شارالارى وتكىزىلگەن. سونىمەن قاتار، وتكەن جىلى «ستۋدەنتتەر كاسىپكەرلىگىنىڭ ەكوجۇيەسى» باعدارلاماسىنا قاتىسۋشىلار سانى 5 مىڭ ادامعا جەتسە، «ERG» قولداعان STEM-زەرتحانالاردا بۇگىندە 9 مىڭ وقۋشى ءبىلىم الىپ ءجۇر. قازىرگى تاڭدا 9 جوعارعى وقۋ ورنى مەن كوللەدجدە جۇزەگە اسىرىلىپ جاتقان بۇل باستاماعا 5 مىڭ ستۋدەنت جۇمىلدىرىلعان.

سونداي-اق، «ERG» كومپانياسى استانا حالىقارالىق قارجى ورتالىعىمەن جانە «Astana Hub»  حالىقارالىق ءىت-ستارتاپتار تەحنوپاركىمەن ارىپتەستىك ورناتقان.

بۇدان بولەك، قازاقستاندا وپەراتسيالىق تيىمدىلىكتى ارتتىرۋدىڭ اسەرى دە ارتقان. 2018 جىلى بۇل كورسەتكىش 91,7 ميلليون دوللاردى قۇراعان.

«ERG»  ەسەبىنە سۇيەنسەك، بىلتىرعى جىلى جەرگىلىكتى وندىرۋشىلەردەن ساتىپ الۋ سوماسى 918 ميلليون دوللاردى قۇراسا، جالپى تولەنگەن سالىق سوماسى 606 ميلليون دوللاردى قۇراپتى.

«ERG-ءدىڭ» قازاقستانداعى الەۋمەتتىك جوبالارى

«ERG» ستراتەگيالىق سەرىكتەستەرمەن بىرلەسە وتىرىپ، قازاقستانداعى «اقىلدى قالالاردى» قولداۋ باستاماسىنا دا قاتىسقان. ال جالپى الەۋمەتتىك ينۆەستيتسيالار سوماسى 108 ميلليون دوللاردى قۇراعان. ول قانداي جوبالار؟ رەت-رەتىمەن جازايىق:

- قوستاناي وبلىسى رۋدنىي قالاسىنىڭ جىلىتۋ جەلىلەرىن جاڭارتۋ ($693 تىس.),

- قوستاناي وبلىسىنداعى گورنياتسكي كەنتىنىڭ سۋمەن جابدىقتاۋ جۇيەلەرىن قايتا قۇرۋ مەن جەتىلدىرۋ ($179 تىس.),

- قوستانايدا ۇلتتىق مادەنيەت ورتالىعىن سالۋ ($4,77 ملن),

- اقتوبە وبلىسىنداعى كوپقاباتتى ءۇيدىڭ ەلەكتر جانە جىلۋمەن جابدىقتاۋ ينفراقۇرىلىمدارىن جاڭارتۋ، اۋلاسى مەن وسى الاڭ ماڭىنداعى باعىن قايتا قۇرۋ ($159 تىس.),

- اقتوبە قالاسىنداعى جەڭىل اتلەتيكا مانەجىنىڭ قۇرىلىسى ($2,08 ملن),

- اقتوبە مەن پاۆلوداردا ۆولەيبول سپورتىن دامىتۋدى قولداۋ ($2,28 ملن),

- پاۆلوداردا مۇز ايدىنىنىڭ قۇرىلىسى (2,98 ملن),

- پاۆلودار وبلىسىنداعى اقسۋ قالاسىنىڭ ورتالىق جاعاجايىن قايتا قۇرۋدى جالعاستىرۋ ($596 تىس.),

- پاۆلوداردا ايماقتىق فۋتبولدى دامىتۋ ءىسىن قولداۋ ($3,87 ملن),

- پاۆلودارداعى مۇراجايدى جوندەۋ ($936 تىس.),

- اقسۋ قارا مەتاللۋرگيا كوللەجىنىڭ 30 ستۋدەنتىنە ءىشىنارا شاكىرتاقى تولەۋ مەن وقىتۋ جابدىقتارىن ساتىپ الۋ ($42 تىس.),

- ليساكوۆسك تەحنيكالىق كوللەدجىنە جابدىقتار ساتىپ الۋ ($11 تىس.),

- قاراعاندىداعى سال اۋرۋىنا شالدىققان بالالاردى وڭالتۋ ورتالىعىنا مامانداندىرىلعان ارنايى مەديتسينالىق جابدىقتار ساتىپ الۋ ($74 تىس.),

- نۇر-سۇلتانداعى «بەيبىتشىلىك قابىرعاسى» مونۋمەنتىنىڭ قۇرىلىسىن قارجىلاندىرۋ ($596 تىس.),

- قازاقستاندىق جاس گەولوگتاردىڭ V وليمپياداسىن دەمەۋ ($30 تىس.).

بەنەديكت سوبوتكا، «ERG» كومپانياسىنىڭ باس اتقارۋشى ديرەكتورى:

-ءبىز كومپانيانى ۇزاق مەرزىمدى پەرسپەكتيۆادا ستەيكحولدەرلەردىڭ كەڭ اۋقىمىنا قۇندىلىقتار قۇراي الاتىنداي ەتۋگە تالپىنامىز. ءارى 2018 جىلى كوپتەگەن ماڭىزدى ناتيجەلەرگە قول جەتكىزدىك. ستراتەگيامىز اياسىندا ءبىز 2019 جىلدىڭ باسىندا بۇۇ-نىڭ ورنىقتى دامۋ ماقساتتارىن قامتيتىن جاھاندىق كەلىسىمگە قوسىلدىق جانە نەگىزگى باستامالاردى قولدايمىز.

ايتا كەتەيىك، «ERG» كومپانياسى تەك كورپوراتيۆتىك قۇندىلىقتارعا نەگىزدەلىپ قويماي، ءوندىرىس مادەنيەتىن ۇدايى ترانسفورماتسيالاۋدى ماقسات ەتىپ وتىر. ERG تاۋ-كەن جانە مەتاللۋرگيا سالاسىنداعى كەڭ اۋقىمدى رەفورمالار مەن ورنىقتى دامۋعا سەپتەسۋ ماقساتىندا دۇنيەجۇزىلىك ەكونوميكالىق فورۋم سىندى حالىقارالىق ۇيىمدارمەن ارىپتەسە جۇمىس ىستەيدى.

Abai.kz