ولارعا "تەرروريستىك توپ ارەكەتىنە قاتىستى", "تەرروريزمدى ناسيحاتتادى" جانە وزگە دە اۋىر قىلمىستار بويىنشا ايىپ تاعىلعان. بۇل اقپاراتتى 17 قازاندا ۇلتتىق قاۋىپسىزدىك كوميتەتىنىڭ ءباسپاسوز قىزمەتى تاراتتى. ءىس نۇر-سۇلتان قالاسىنىڭ مامانداندىرىلعان اۋدانارالىق قىلمىستىق سوتىنا جىبەرىلگەن.
ۇقك-ءنىڭ دەرەگىنشە، "وزگە مەملەكەتتىك ورگاندارمەن جانە شەتەل سەرىكتەستەرىمەن بىرلەسىپ", "جۋسان" وپەراتسياسى (سيريادان قازاقستان ازاماتتارىن قايتارۋ) اياسىندا سيريادان 595 قازاقستان ازاماتى قايتارىلعان. ولاردىڭ 400-دەن استامى - بالالار.
"قايتارىلعان ادامداردىڭ ىشىندە ون ەر ادام مەن بەس ايەل قازاقستاندا تىيىم سالىنعان دايش (ەكسترەميستىك توپتىڭ اراب تىلىندەگى اتاۋىنىڭ قىسقارتىلعان نۇسقاسى - رەد.) حالىقارالىق تەرروريستىك ۇيىمىنىڭ ارەكەتىنە قاتىسۋ فاكتىسى بويىنشا ءارتۇرلى مەرزىمگە باس بوستاندىعىنان ايرىلدى" دەلىنگەن حابارلامادا.
2018 جىلى شىلدە ايىندا قازاقستان ۇلتتىق قاۋىپسىزدىك كوميتەتى (ۇقك) تاياۋ شىعىستا سوعىس باستالعالى بەرى سيريا مەن يراكقا قازاقستاننىڭ 800-گە جۋىق ازاماتى كەتكەنىن حابارلاعان.
Abai.kz
