ەۋروپا كەڭەسى سايتىندا جاريالانعان مالىمدەمەدە كەلىسىمنىڭ 1 قاراشادا كۇشىنە ەنۋى مۇمكىن ەكەنى جازىلعان. بىراق قۇجات كۇشىنە ەنۋى ءۇشىن ەندى ونى بريتان پارلامەنتى ماقۇلداۋى ءتيىس. ەۋروپا كەڭەسى تاراپتاردىڭ تىعىز قارىم-قاتىناستى ساقتاپ قالۋعا كۇش سالىپ وتىرعانىن ايتادى.
دونالد تۋسك بەيسەنبى كۇنگى ءباسپاسوز جيىنىندا ەگەر بريتان پارلامەنتى جاڭا كەلىسىمدى ماقۇلداماسا، بريۋسسەل برەكزيت مەرزىمىن كەيىنگە جىلجىتۋ ماسەلەسىن قاراۋعا دايىن ەكەنىن جەتكىزدى. ول ءۇشىن لوندون ەۋرووداققا ارنايى سۇراۋ سالۋى ءتيىس. الايدا بۇعان دەيىن ەۋروكوميسسيا باسشىسى جان-كلود يۋنكەر ەو-نىڭ برەكزيتتى كەيىنگە شەگەرە المايتىنىن ايتقان.
ال ۇلىبريتانيانىڭ پرەمەر-ءمينيسترى بوريس دجونسون برەكزيتتى كەيىنگە قالدىرۋعا نەگىز جوق دەگەن.
برەكزيت كەلىسىمىندە سۇراق تۋدىرىپ وتىرعان ەڭ باستى ماسەلە ەۋروپا وداعىنىڭ مۇشەسى يرلانديا مەن بريتانيا پروۆينتسياسى سولتۇستىك يرلانديا اراسىنداعى شەكارا بولىپ تۇر. جاڭا كەلىسىم بويىنشا، تۇتاس يرلانديا ارالىندا ەشقانداي كەدەندىك تەكسەرىس بولمايدى، سولتۇستىك يرلانديا ۇلىبريتانيانىڭ كەدەندىك اۋماعى بولىپ قالا بەرمەك. وندا ەۋرووداقتىڭ ءبىرتۇتاس نارىعىنىڭ كەيبىر ەرەجەلەرى ساقتالىپ قالادى.
دجونسون بريتان پارلامەنتىنىڭ كەلىسىمدى ماقۇلدايتىنىنا سەنىمدى. الايدا كوپتەگەن ساراپشىلار بۇعان كۇمان كەلتىرەدى.
Abai.kz
