قىزىلوردا وبلىسى تجد ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى №1 مامانداندىرىلعان ءورت ءسوندىرۋ ءبولىمىنىڭ اۋماعىندا قۇتقارۋشىلار كۇنىنە وراي مەرەكەلىك شارا ءوتتى.

قۇتقارۋشىلار "وتقا ورانعان ورەندەر" اتتى ءورت ءسوندىرۋشى-باتىرلارعا ارنالعان ەسكەرتكىشتىڭ الدىندا ساپ تۇزەدى.

قىزىلوردا وبلىسى تجد باستىعىنىڭ مىندەتىن اتقارۋشى ازاماتتىق قورعاۋ پولكوۆنيگى ر.قايراقباەۆ سالتاناتتى ءىس-شارانى اشىپ، قاتىسۋشىلاردى كاسىبي مەرەكەمەن قۇتتىقتادى. ول ءوز سوزىندە قازاقستان رەسپۋبليكاسىنىڭ ءاربىر ازاماتى ءۇشىن قۇتقارۋشىلاردىڭ كاسىبي مەرەكەسى - ەرلىك، ار-نامىس جانە باتىلدىق مەرەكەسى ەكەنىن اتاپ ءوتتى.

سودان كەيىن ءسوز كەزەگى توتەنشە جاعدايلار سالاسى ارداگەرلەر كەڭەسىنىڭ توراعاسى ت.بوتاباەۆقا، قىزمەتتىك مىندەتتەرىن ورىنداۋ كەزىندە قازا تاپقان قىزمەتكەرلەردىڭ تۋىستارى مەن جاقىندارى ق.اشىربەكۇلى مەن س.تورەمانوۆاعا بەرىلدى. سودان كەيىن قازا تاپقان قىزمەتكەرلەردى ءبىر مينۋت ۇنسىزدىكپەن ەسكە الدى.

قىزىلوردا وبلىسى تجد باسشىلىعى مەن قىزمەتكەرلەرى قىزمەتتىك بورىشىن ورىنداۋ كەزىندە قازا بولعان ارىپتەستەرىنە قۇرمەت رەتىندە ەسكەرتكىشكە گۇل شوقتارىن قويدى.

ءىس-شارا سوڭى ازاماتتىق قورعاۋ قىزمەتكەرلەرىنىڭ سالتاناتتى شەرۋىمەن ءتامامدالدى.

Abai.kz