QR Premier-Ministri Asqar Maminning tóraghalyghymen ótken Ýkimet otyrysynda «Biznesting jol kartasy – 2020» memlekettik baghdarlamasyn iske asyru barysy jәne biznesti qoldaudyng 2025 jylgha deyingi jana tәsilderi qaraldy. 

Atalghan baghytta atqarylyp jatqan júmystar jәne baghdarlamanyng aldaghy bes jyldyq kezenge arnalghan jobasy turaly QR últtyq ekonomika ministri R. Dәlenov, biznes jýrgizu negizderine oqytu jәne kәsipkerlerge aqyl-kenes beru turaly «Atameken» ÚKP basqarma tóraghasy A. Myrzahmetov bayandady.

«Elbasy N. Nazarbaevtyng aituynsha, myqty biznes – ekonomikanyng túraqtylyghyn qamtamasyz etuding manyzdy faktorlarynyng biri. Osy jyldyng mamyr aiynda Memleket basshysy Q. Toqaev Últtyq investorlar kenesining otyrysynda ShOB-tyng rólin kýsheytu jәne onyng el ekonomikasyndaghy ýlesin 2025 jylgha qaray kem degende 35%-gha jetkizu mindetin qoydy. 2050 jyly biz 50% kórsetkishke jetuimiz kerek. Atalghan kórsetkishterge qol jetkizu ýshin auqymdy júmystar jýrgizilip jatyr, sonyng ishinde zannamagha ózgerister engizilude», — dedi A. Mamiyn.

Ýkimet basshysy «Biznesting jol kartasy – 2020» memlekettik baghdarlamasy ózining tiyimdiligin dәleldegenin atap ótti. 2010 jyldan bastap ony iske asyrudyng nәtiyjesinde 342 mynnan astam júmys orny saqtalyp, 94 mynnan astam jana júmys orny qúryldy. Shaghyn jәne orta biznesting elimizding JIÓ-degi ýlesi 2015 jylghy 24,9%-dan 2018 jyly 28,4%-gha deyin ósti. ShOB ónimderining kólemi 10 trln tengege 13,3-ten 23,4 trln tengege deyin ósti. Subektilerding sany 300 mynnan astamgha 900 mynnan 1,3 mln-gha deyin ósti. Biyl Qazaqstan Dýniyejýzilik bankting «Doing Business» biznes jýrgizu jenildigi reytinginde 28 orynnan 25 oryngha kóterildi.

2015 jyldan bastap Memlekettik baghdarlamany jýzege asyrugha 282 mlrd tenge bólindi, jana «Biznesting jol kartasy – 2025» baghdarlamasy ayasynda bir jarym ese kóp qarajat – 421 mlrd tg qarastyrylghan.

Aldaghy bes jyldyq kezende biznesting ynghaylaspa mindettemelerin engizu kózdelgen (júmys oryndaryn saqtau/úlghaytu, tólenetin salyqtar men baghdarlamagha qatysushylardyng kiristerining ósui), franshizalardy satyp alugha jәne qayta qarjylandyrugha nesie beru maqsattaryn keneytu kózdelgen. Memlekettik granttyng mólsheri 3 mln-nan 5 mln tengege deyin, ainalym qarajattaryn nesiyelendiru 60-tan 180/360 mln tengege deyin úlghaytylady. Baghdarlamagha ekinshi dengeyli banktermen qatar, Mikroqarjy úiymdary da qatysushy retinde qosylady.

Premier-Ministr Últtyq ekonomika ministrligine osy jyldyng qarasha aiynyng sonyna deyin «Biznesting jol kartasy – 2025» baghdarlamasynyng qabyldanuyn qamtamasyz etudi, 2019 jyldyng sonyna deyin qajetti normativtik qúqyqtyq aktilerding qabyldanuyn qamtamasyz etudi, «Atameken» ÚKP jәne «Damu» AQ-men birlesip, kәsipkerler arasynda jana Baghdarlamanyng tәsilderi men mýmkindikteri turaly aqparattyq-týsindiru júmystaryn jýrgizudi tapsyrdy.

Abai.kz