Jwma, 22 Qaraşa 2019
Äne, kördiñ be? 1185 21 pikir 7 Qaraşa, 2019 sağat 19:12

QHA-nıñ 25 jıldığına arnalğan koncertke 225 mln teñge bölindi

2020 jılı el Konstituciyasınıñ qabıldanğanına jäne Qazaqstan halqı Assambleyasınıñ qwrılğanına 25 jıl toladı. Soğan oray ükimet birqatar mädeni is-şaralar ötkizudi josparlap otır eken. 

Ükimet Konstituciyanıñ jäne Qazaqstan halqı Assambleyasınıñ 25 jıldığın wyımdastıru jäne ötkizu jönindegi wlttıq jospardı bekitti.

Atalğan qwjatta jazıluınşa, bilik Konstituciyanıñ 25 jıldığına arnalğan merekelik koncert pen 2020 jılğı tamızda elimizdiñ Ata zañınıñ 25 jıldığına arnalğan halıqaralıq konferenciyanı wyımdastıruğa 504,8 mln teñge bölgen. Sonımen qatar, Qazaqstan halqı Assambleyasınıñ 25 jıldığına oray kelesi jılı säuir ayında ötetin koncertke respublikalıq byudjetten 225,3 mln teñge bölingen.

Qazaqstan halqı Assambleyasınıñ 25 jıldığın atap ötu jaylı atalğan wyımnıñ Törağası, Eks-Prezident Nwrswltan Nazarbaev arnayı tapsırma bergen. Bwl turalı biıl säuir ayında QHA Törağasınıñ orınbasarı Janseyit Tüymebaevtı qabıldağanda aytqan.

– Kelesi jılı biz Qazaqstan halqı Assambleyasınıñ 25 jıldığın atap ötudi josparlap otırmız. Assambleyanıñ mereytoyın ortalıqta da, barlıq öñirde de joğarı deñgeyde ötkizuimiz kerek. Kelisim, twraqtılıq, halıqtar dostığı, türli etnikalıq toptar, dini konfessiyalar arasındağı özara qwrmet memleketimizdiñ jäne damuımızdıñ negizi sanaladı. Bwl josparlanğan is-şarağa arqau boluğa tiis, – degen edi Nwrswltan Nazarbaev.

Bwl is-şaralardıñ jauaptı atqaruşısı Mädeniet jäne sport ministrligi.

Al Qarjı ministriniñ birinşi orınbasarı Berik Şolpanqwlovtıñ aytuınşa, el ükimeti mädeniet pen sporttı damıtu üşin 2020-2022 jıldarı 304,7 mlrd teñge jwmsau josparlanıp otır. Onıñ 120,1 mlrd-ı 2020 jılğa bölingen. Bwl qarajat teatr, muzey, kitaphana men arhivter qızmetin qamtamasız etuge, sport pen turizmdi damıtuğa, kadrlar dayındauğa, fil'mder şığaruğa jwmsaladı eken.

Abai.kz
21 pikir