Senbi, 6 Mausım 2020
COVID-19 QAZAQSTANDA. Jwqtırğandar — 12312. Jazılğandar — 6903. Qaytıs bolğandar — 52
Ekonomika 2587 0 pikir 18 Qaraşa, 2019 sağat 12:55

Jasandı intellekt arqılı ökpe aurularına diagnostika jasaytın onlayn qızmetin iske qosıldı

 

Nwr-Swltanda "Innovaciyalardı ıntalandıru: ğılım men biznestiñ kooperaciyası" attı konferenciya ötude. İs-şara Qazaqstandağı ğılımi jetistikterdi kommerciyalandırudıñ tabıstı täjiribelerin tanıstıru üşin mañızdı oqiğalardıñ biri bolıp sanaladı. Konferenciya "Önimdi innovaciyalardı ıntalandıru" jobası ayasında QR Bilim jäne ğılım ministrligi Düniejüzilik bankpen birlesip wyımdastırıldı.
Konferenciya barısında qazaqstandıq ğılımi jetistikterdi kommerciyalandırudıñ tabıstı täjiribesi, sonday-aq Qazaqstan ekonomikasınıñ üdemeli damuın jüzege asıru üşin biznespen jemisti ıntımaqtastıqtıñ nätijeleri tanıstırıladı.
İs-şarada qazaqstandıq ğalımdar jasandı intellektti medicinalıq maqsatta paydalanuğa baylanıstı äzirlemelerdi wsındı. "Crystal Spring" kompaniyasınıñ bas direktorı Aleksey Tuçin osı önertabıs turalı tolığıraq aytıp berdi.
"Bizdiñ joba jasandı intellektpen ökpe auruın qaşıqtan anıqtauğa arnalğan. Qazaqstanda bwl qazir qarqındı damıp kele jatqan öte jaña taqırıp. Qazirgi uaqıtta joba iske qosılıp, paydalanuğa berildi. Neyrondıq jelilerdiñ jasandı intellekt model'derin sınaqtan ötkizu jäne basqaru bastaldı. Servistiñ negizgi artıqşılığı ol 24/7 jwmıs isteydi,yağni uaqıt pen orınğa qaramastan öz suretin serviske jükteuge jäne 14 ökpe auruı boyınşa nätije aluğa boladı. Jäne bwnıñ barlığı onlayn türde ötedi. Biz ökpe auruımen qatar aurudı erte kezeñde anıqtau üşin mamogramma esepke alınıp, taldanatın boladı. Qazir Qazaqstanda, bükil älemdegidey, birneşe mäsele bar. Bizdiñ jüye belgili bir aymaqqa baylanıstı emes, yağni Qazaqstannıñ jäne bükil älemniñ kez kelgen nüktesinen suretterdi jüktep, nätije aluğa boladı. Joba öte auqımdı, öytkeni biz qazir Özbekstannıñ memlekettik organdarımen kelissözder jürgizudemiz,olar bizge müddeli. Biraq kommerciyalıq maqsattardan basqa biz äleumettik qwramdas bölikti - medicinalıq qızmetterdiñ joğarı deñgeyin qamtamasız etudi eskeremiz. Biz 2019 jıldıñ mausımında Düniejüzilik bank pen QR BĞM Ğılım komitetiniñ qoldauına ie boldıq. Qazirgi uaqıtta biz "Önimdi innovaciyalardı ıntalandıru"jobası şeñberinde aqparattıq jäne qarjılıq qoldau aludı jalğastıramız. Bwl bizdiñ jobanı jüzege asıruda öte jaqsı kömek", - dedi Tuçin.
Konferenciya ayasında "Önimdi innovaciyalardı ıntalandıru" jobasınıñ operaciyalıq qızmeti mäseleleri boyınşa pikirtalas alañı ötip jatır, onda ğılım men biznestiñ tığız özara is-qimılınıñ özekti mäseleleri, sonday-aq qazaqstandıq ğılımi jetistikterdi damıtudıñ mañızdı faktorlarınıñ biri retinde innovaciyalardı ıntalandırudı qoldau talqılanadı.
Sonday – aq, şara ayasında "Önimdi innovaciyalardı ıntalandıru-tabıstı jobalar" körmesi ötude. "BioMix" kompaniyası birinşi otandıq "BioMix7BLB" biopreparatın organikalıq lastağıştardan kärizdik ağındardı jinağış kölderdi biologiyalıq tazartu üşin belsendi mikroorganizmder negizinde äzirledi. "EcoSave" agroönimderdi qorğau tehnologiyasın otandıq äzirleuşi agroönimderdi mikrobtıq aurulardan jäne kökönis qoymalarında wzaq saqtau kezinde qamba ziyankesterinen qorğau üşin ekologiyalıq qauipsiz biopreparattardı wsındı.

0 pikir