Qorghanys ministri Danial Ahmetovting aldynghy kýni qyzmetinen ketui sol mekemede isteytin qarapayym qyzmetkerler ýshin kýtpegen oqigha bolypty. Sebebi keshe onyng Saryshaghan poligonyna issapary josparlanghan. Sol jerde ol jurnalisterge qoghamda kóp dau tudyrghan otandyq qaru-jaraqtardyng mәn-jayyn týsindirui tiyis edi...

Qorghanys ministri Danial Ahmetovting aldynghy kýni qyzmetinen ketui sol mekemede isteytin qarapayym qyzmetkerler ýshin kýtpegen oqigha bolypty. Sebebi keshe onyng Saryshaghan poligonyna issapary josparlanghan. Sol jerde ol jurnalisterge qoghamda kóp dau tudyrghan otandyq qaru-jaraqtardyng mәn-jayyn týsindirui tiyis edi...

Alayda onyng ornyna Ahmetovti Qorghanys ministri qyzmetinen bosatu turaly Memleket basshysynyng Jarlyghy shyqty. Qorghanys salasyndaghy alghashqy azamattyq ministrding otstavkasy әskery sarapshylardyng tandanysyn tudyrmapty. «Búl onyng ministrligindegi songhy janjaldarmen baylanysty boluy mýmkin. Óitkeni basshynyng orynbasary qyzmetinen ketkende onyng da kóp úzamay ornyn bosatatyndyghy anyq edi. Al eks-ministrding kinәli, kinәli emestigin tergeu oryndary ghana biledi», - dedi búrynghy Qorghanys ministri, parlament deputaty Sәt Toqpaqbaev.
Mekemesinde qansha dau shyqsa da, elimizde eshqanday lauazym iyesining óz erkimen qyzmetinen ketpeytindigin aitady Zapastaghy ofiyserler odaghynyng tóraghasy Aytqaly Esenqúlov. «Byltyrghy jyly sybaylasqan jemqorlyq boyynsha aiyptalghan japon ministri óz-ózine harakiry jasaghan. Al bizde olardyng «ýstinen týie ótse de, qynq etpeydi», - deydi general. Degenmen «harakiri» jasap, qarnyn jarmasa da, kenirdegin tilip, óz-ózine qol júmsau talpynysy dәl osy ministrlikte oryn alghan. Ahmetovting orynbasarlarynyng biri Qajymúrat Maermanovqa sәuir aiynda sybaylas jemqorlyq faktisi boyynsha aiyp taghylghan. Osydan keyin abaqtygha týsken general qaghaz qiyatyn pyshaqpen ózin-ózi bauyzdamaq bolghan. Keybir derekter boyynsha, eks-viyse-ministr «Nayza», «Semser», «Aybat» siyaqty jaramsyz artilleriyalyq jýielerding jasaluy men shygharyluy jónindegi konkurstar men kelisim-sharttar әzirleude zang búzushylyqtargha barghan. Al memleket qazynasy 82 mln dollargha ziyan shekken.
- Basshysy qanday bolsa, baghynyshtylary da - sonday. «Balyq basynan shiriydi». Joghary talap qoyylmasa, osynday olqylyqtar shygha beredi, - deydi Esenqúlov. Aldymen baghynyshtysy, odan keyin basshysy jauapqa tartylghan jayttar Qazaqstanda búryn da kezdesken. Mysaly, birinshi orynbasaryn «qúrbandyqqa» shalghan Qorshaghan ortany qorghau ministri Núrlan Ysqaqov 4 nauryzda ózi qyzmetten ketse, 30 nauryzda qamaugha alynghan. Degenmen Qazaqstan tarihynda aiyp taghylghan kýnning ózinde shetel asyp, kózden ghayyp bolatyn sheneunikter de kezdesken.

- Alayda meni tanghaldyrghany - Ahmetovting qyzmetinen ketui emes, orynbasary, joghary lauazymdy qyzmetkerleri tútqyndalyp jatqan kezde lәm-mim dep auzyn ashpauy. Ol eng qúryghanda Núrlan Ysqaqov siyaqty óz erkimen otstavkagha ketuge batyly barmady, - deydi sayasattanushy Aydos Sarym. Ayta ketu kerek, «Ayqyn» gazetining Qorghanys ministrine byltyr 18 qyrkýiekte joldaghan saualdary san mәrte janartylyp, qayta joldanyp otyrghanymen, sol kýii jauapsyz qalghan. Onyng ishinde Qorghanys ministrligindegi sybaylasqan jemqorlyqqa qatysty saualdar da nazargha ilingen joq.

- Memleket basshysy Qorghanys ministrin ornynan alu arqyly osy manyzdy mekemeni sauyqtyrghysy, basqa sheneunikterdi de jauapkershilikke shaqyrghysy keldi, - deydi Esenqúlov. «Ahmetov qaramaghyndaghylar arasyndaghy jemqorlyqty auyzdyqtay almady. Qayta kerisinshe, әskeriylerding bylyq-shylyghy, budjettik qarajatty talan-tarajgha saluy artyp ketkenge úqsaydy, - deydi Sarym. Sondyqtan ol Ahmetovti júmystan ketirudi «óte oryndy, qisyndy kadrlyq sheshim» dep baghalaydy. - Onyng ornyna Múhtar Altynbaev, Álibek Qasymov syndy ary bar generaldar kelse dúrys bolar edi, - deydi sarapshy.

Qazaqstan Preziydenti 2007 jyly qantar aiynda Danial Ahmetovti qyzmetke taghayyndaghan kezde onyng respublikadaghy alghashqy azamattyq Qorghanys ministri ekendigine airyqsha nazar audarghan. «Áskeriyler әsker júmysymen, al qorghanys keshenindegi sayasat pen ony basqaru isimen azamattyq túlghalar ainalysuy tiyis. Búl - әlemdik ýrdis» degen bolatyn Preziydent. Ol Danial Ahmetovting aldyna sany kóp emes, biraq sapaly, mobilidi, jaqsy jabdyqtalghan әskeri bar Qazaqstannyng pәrmendi әskery keshenin jasaqtau mindetin qoyghan. Al Ahmetov óz kezeginde Qazaqstannyng qorghanys salasyn barynsha bәsekege qabiletti etip, әlemdik dengeyge kóteruge uәde etken edi.

«Ayqyn» gazeti, 19.06.2009