Últ janashyry Júmabek Tәshenovtyng jary Bәtes Ydyrysqyzynyng esteliginen:

Júmabekpen qyryq bes jyl túrmys qúrdyq. "Ózindi kýt", — dep maghan júmys istetpey qoyghan-dy. Ol balalargha erekshe qamqor edi. Bir jaqqa issapargha shyqsa, barysymen telefon soghyp, ýi-ishining jay-japsaryn egjey-tegjeyli súray bastaytyn. — Ou, tanerteng ghana ketken joqpysyn? — deytinmin men kýlip.

Júmabek búl dýniyeden tek shyndyq pen әdildikti tu etip, eshkimge eshuaqytta jalynbay ótti ghoy. Tek jaghdayyn aityp, kómek súray kelgenderge kómegin ayamaytyn. Al ózine eshnәrse súramay ótti.

Júmabek ýsh aghayyndy edi. Júmabek ýlken júmystan alynghanda, ortanshy aghasy — Manapty da kóp úzatpay qyzmetinen alyp tastady. Búghan qalay jýreging auyrmaydy? Ýlken aghasy Qasen degen azamat ómir boyy temir jol boyynda júmys istegen qara tory júmysshy adam. Túrghan ýiin kórsen, bizding adamdardyng tózimdiligine qayran qalasyn. Qasen aghay da qaytys bolyp ketti.

Bizder Kommunist jәne Shmidt kóshelerining qiylysyndaghy ýsh bólmeli ýide qysylyp-qymtyrylyp túrushy edik. Poltoraskiy kóshesinen birneshe kottedj salyna bastaghan-dy. Obkom sonyng bireuin Júmabekke beretin bolghan. Ýy ishimizben quanyp qalghanbyz. Bizge tiyesili pәter belgili bolghan song orderin almasaq ta, ózimizshe iyemdenip ishinara jóndeu júmysyn bastaghanbyz. Bir kýni "búl ýy sizderge berilmeytin boldy" degen habar tiydi. Búl atqan oqpen birdey boldy. Júmabek zeynetkerlikte. Obkomgha baryp bilseyshi desem, namystanyp barmaydy.

Ne isteu kerek? Kóp oilanbay Mәskeuge, Brejnevke telegramma berdim. Biz Almatyda kezinde Brejnevpen aralasyp túrghan edik. Leonid Iliich meni "Valya" deytin. Barlyq jaydy aityp, "Valya" dep qol qoyyp, telegrammany jónelttim. Kóp úzaghan joq, shamasy on kýnnen keyin "ýy sizderge beriletin boldy" degen quanyshty habar aldyq.

-Búlargha ne bolghan? -dep Júmabek týkke týsinbey tang qaldy.

Men "ýiding qalay berilgeni" turaly Júmabekke shynymdy aityp edim, onyng jýzindegi quanysh lezde ghayyp boldy.

Men onyng jan kýiin sol uaqytta birden týsindim. Biraq ol kezde búdan basqa jol da, amal da joq edi...

Áset Aqmoldanyng әleumettik jelidegi paraqshasynan

Abai.kz