Jwma, 14 Tamız 2020
COVID-19 QAZAQSTANDA. Jwqtırğandar — 101848. Jazılğandar — 78633. Qaytıs bolğandar — 1269
1801 0 pikir 27 Qaraşa, 2019 sağat 13:23

IT-mamandarğa arnalğan bayqau

Qazaqstanda mobildi qoldanbalar men veb-qızmetterdi äzirleuşiler, startap-toptar, şağın jäne orta biznes ökilderi men iri kompaniyalardıñ önim jasauşı toptarına arnalğan ID Challenge bayqauı iske qosıldı. Ol 2019 jılğı 26 qaraşadan 19 jeltoqsanğa deyin ötedi. Jülde qorı — 1 mln. teñge jäne jasalğan önimge marketingtik qoldau körsetu. Bayqaudıñ wyımdastıruşıları — BTS Digital, Finnovate jäne Digital ID.

Bayqau mindeti — IT-mamandar tobın jinap, biometriyalıq säykestendiru tehnologiyaları kömegimen biznes pen qoldanuşılardıñ mäselelerin şeşetin digital-önim jasau. Önimniñ maqsattarı ärtürli boluı mümkin: swhbattas adamnıñ twlğasın tekseru, bilet räsimdeu kezinde jeke derekterdiñ avtomattı türde toltırıluı, elektrondıq poşta arqılı qwjattardıñ köşirmesin jibermesten onlayn satıp alu nemese qaşıqtan säykestendiru ideyasın örbitetin kez kelgen basqa maqsat.

Bayqauğa bwğan deyin qwrılğan toptar nemese bir ideyamen birikken birneşe adam qatısa aladı. Top Qazaqstan aymağında nemese odan tıs ornalasuı mümkin. Biraq önim QR twrğındarına bağıttaluı tiis.

Bastı şart — Digital ID tehnologiyasın qoldanumen öz önimin jasau. Digital ID — bwl klientterdi qaşıqtan säykestendirudiñ Qazaqstanda jasalğan qızmeti.

Bayqau qorıtındıları boyınşa üş jüldeger anıqtaladı. Birinşi orın üşin qatısuşılar 500 mıñ teñge, ekinşi jäne üşinşi orın üşin säykesinşe 300 mıñ jäne 200 mıñ teñge ielenedi. Jalpı jülde qorı — 1 mln. teñge. Sonımen qatar, jeñimpazdar Digital ID qızmetin şekteusiz qoldanudıñ jıldıq licenziyasına, jasalğan önimderge BTS Digital jäne BTS Education tarapınan marketingtik qoldau, BTS Digital, BTS Education jäne Finnovate qızmetkerleri tarapınan tälimgerlikke, oğan qosa Product Mindset Meetup şarasında is körsetu mümkindigine qol jetkizedi.

«Biometriyalıq säykestendiru älemdi baurap aluda jäne onlayndağı qarım-qatınastı bwdan da senimdirek etude. Biz bwl trendti Qazaqstanda qoldağımız keledi. «60 sekund işinde tanu» — bayqauğa biz osı wrandı tañdadıq. Digital ID arqılı qoldanuşığa alğaşqı säykestendirudi ötip, öz twlğasın rastauına jäne serikteske jeke derekterin beruine şaşamen osınşa uaqıt qajet. Bayqauda qoldanuşılarğa şınımen paydalı bolatın önimderdi köre alamız degen senimdemin», — deydi önim jetekşisi Vladimir Merkuşev.

Bayqauğa qatısu kezeñi aşıldı. Ötinişter 2019 jılğı 9 jeltoqsanğa deyin qabıldanadı.

Bayqau turalı tolıq aqparat jäne tirkelu ötinişi jobanıñ saytında berilgen.

Abai.kz

0 pikir