Seysenbi, 18 Aqpan 2020
Bilik 1698 23 pikir 28 Qaraşa, 2019 sağat 10:47

Qazaqstan men Qırğızstan Prezidentteri birlesken mälimdeme jasadı

Qazaqstan men Qırğızstan delegaciyalarınıñ arasında ötken kelissözder qorıtındısı boyınşa Qasım-Jomart Toqaev pen Sooronbay Jeenbekov bwqaralıq aqparat qwraldarı üşin birlesken mälimdeme jasadı. Bwl turalı Aqordanıñ baspasöz qızmeti jazdı.

Qasım-Jomart Toqaev öziniñ Qırğızstanğa jasağan saparınıñ erekşe mañızdılığın atap ötip, elderimizdi ejelden jalğasıp kele jatqan tığız dostıq baylanıstarımız, tereñ tamırımız, tilimiz ben mädenietimiz biriktiretinin ayttı.

Qazaqstan Prezidenti öz sözinde odaqtastıq äri strategiyalıq seriktestik deñgeyine jetken ekijaqtı baylanıstardı damıtuğa Twñğış Prezidentimiz – Elbası Nwrswltan Nazarbaev pen Sooronbay Jeenbekovtiñ  qosqan ülesine toqtaldı.

– Nwrswltan Nazarbaev pen Sooronbay Jeenbekov  2017 jılı sayasi erik-jiger tanıtıp, eki el üşin de mañızdı sanalatın memlekettik şekaranıñ qwqıqtıq märtebesin bekitti. Bwl Qazaqstan men Qırğızstannıñ bükil älem qoğamdastığına tatu körşilik ruhınıñ jarqın ülgisin körsetti, – dedi Qasım-Jomart Toqaev.

Ol Qazaqstannıñ Prezidenti retinde köpjaqtı qazaq-qırğız ıqpaldastığın damıta beruge nietti ekenine nazar audardı. Onıñ aytuınşa, bügingi kelissözder qorıtındısı boyınşa qol qoyılğan Birlesken deklaraciya sonıñ ayqın däleli.

Qasım-Jomart Toqaev kelissözder barısında sauda-ekonomikalıq jäne investiciyalıq baylanıstarğa basa nazar audarılğanın mälimdedi.

– 2015-2018 jıldarı ekijaqtı tauar aynalımı 30 payızğa artıp, 900 million dollarğa juıqtadı. Sonıñ nätijesinde elimiz Qırğızstannıñ jetekşi sauda seriktesine aynaldı jäne Resey men Qıtaydan keyingi üşinşi orındı berik ielenip otır. Öz kezeginde Ortalıq Aziya elderi işinde Qırğızstan – Qazaqstannıñ ekinşi sauda seriktesi, – dedi Qasım-Jomart Toqaev.

Bwl rette, Qazaqstan Prezidenti tauar aynalımın 1 milliard dollarğa jetkizu mindetine ayrıqşa toqtaldı. Kelissözder barısında käsipkerler twraqtı türde tikeley baylanıs ornata alatın arnayı alañ qwru bastaması talqılandı.

– Qazaqstan men Qırğızstannıñ öñiraralıq forumın ötkizu täjiribesin engizu osınıñ bir mısalı bola aladı. Ükimetterge bwl wsınıstı pısıqtau tapsırıldı, – dedi Qasım-Jomart Toqaev.

Qazaqstan Prezidenti özara sauda-sattıqtıñ şamamen 50 payızın qwraytın şekara mañı ıntımaqtastığınıñ qarqındı damıp kele jatqanın atap ötti.

– Eksport-import operaciyaların qoldap, ıntalandıru üşin Qazaqstan tauarlardı räsimdeu jäne dayındau jönindegi logistikalıq ortalıq qwrudı wsınıp otır. Bwl jobanıñ iske asırıluı elderimizdiñ aumağında äkimşilik räsimderdi jeñildetip, tauarlardı jıljıtuğa aytarlıqtay mümkindikter tuğızadı, – dedi Qasım-Jomart Toqaev.

Su jäne energetika salasındağı mäsele – kezdesudiñ mañızdı böligi. Qazaqstan Prezidenti Ortalıq Aziyadağı transşekaralıq özenderdegi su resurstarı ortaq baylığımız dep sanaydı.

Kelissözder barısında eki el basşıları mädeni-gumanitarlıq salanı odan äri damıtudıñ perspektivaların jeke mäsele retinde qarastırdı. Atap aytqanda, aldağı uaqıtta elderimizdiñ özara Mädeni künderin wyımdastıru wsınıldı. Soñğı ret mwnday şara altı jıl bwrın ötkizilgen bolatın.

Qazaqstan Prezidenti kelissözder qorıtındısı boyınşa qol qoyılğan ekijaqtı qwjattarğa basa män berip, jalpı sipatı boyınşa seriktestigimizdi nığaytuğa tıñ serpin beretin Intımaqtastıqtıñ keşendi bağdarlamasına erekşe toqtaldı.

Abai.kz

23 pikir