Düysenbi, 6 Säuir 2020
COVID-19 QAZAQSTANDA. Jwqtırğandar — 584. Jazılğandar — 42. Qaytıs bolğandar — 6
Bilik 1923 2 pikir 29 Qaraşa, 2019 sağat 13:03

Bişkektegi basqosuda qanday şeşimder qabıldandı?

Bişkek qalasında Wjımdıq qauipsizdik şart wyımı (WQŞW) Wjımdıq qauipsizdik keñesiniñ sessiyası ötti. 

Qazaqstan Prezidenti Qasım-Jomart Toqaev, Belarus' Prezidenti Aleksandr Lukaşenko, Qırğızstan Prezidenti Sooronbay Jeenbekov, Resey Prezidenti Vladimir Putin, Täjikstan Prezidenti Emomali Rahmon, Armeniyanıñ Prem'er-Ministri Nikol Paşinyan, sonday-aq WQŞW Bas hatşısınıñ mindetin atqaruşı Valeriy Semerikov şağın qwramda kezdesu ötkizdi. Sodan keyin delegaciya müşeleriniñ qatısuımen kelissözder jalğastı.

Memleketter basşıları halıqaralıq jäne öñirlik qauipsizdikti qamtamasız etu jöninde pikir almastı. WQŞW-nıñ 2019 jılğı basım bağıttarınıñ iske asırıluın qorıtındılap, aldağı josparın anıqtadı.

Qasım-Jomart Toqaev şağın formatta ötken kezdesude qatısuşı memleketter basşılarına Qazaqstannıñ WQŞW formatındağı özara is-qimıldardıñ özekti mäseleleri jönindegi wstanımın jetkizdi.

– Biz WQŞW ayasındağı sayasi ıntımaqtastıqtı damıtuğa, Wyımnıñ äskeri-küştik äleuetin nığaytuğa jäne zamanaui sın-qaterler men qauipterge qarsı is-qimıldar jasauğa niettimiz, – dedi Memleket basşısı.

Halıqaralıq qauipsizdik salasındağı sayasi dialogtı küşeytu qajettigin atap ötken Qasım-Jomart Toqaev Euraziya kindiginde ornalasqan aumaqtıñ qauipsizdigin qamtamasız etu isindegi WQŞW-nıñ atqaratın jauapkerşiligine nazar audardı. Onıñ pikirinşe, Wyım Europa men Aziyanı qauipsizdiktiñ biriñğay Euraziyalıq platformasında baylanıstıra otırıp, öz poziciyasın qazirgiden de nığayta alatını jöninde pikir bildirdi.

Qasım-Jomart Toqaev osı maqsatqa qol jetkizu üşin birqatar mindetti qarastıru kerek ekenin ayttı.  Atap aytqanda, WQŞW-nıñ halıqaralıq bedelin arttıru üşin jwmıs jürgizu qajettigine toqtaldı.

– Biz eşkimge qarsı şıqpaymız, kerisinşe, özara tiimdi dialogqa dayınbız. Bwl wstanımdı ilgeriletu mañızdı, – dedi Memleket basşısı.

Osığan oray Qazaqstan Prezidenti WQŞW-ğa müşe memleketterdiñ Sırtqı ister ministrleriniñ NATO-dağı äriptesterine biılğı mamır ayında joldağan Aşıq ündeuiniñ mañızdılığın atap ötip, onıñ özara senimdi nığaytuğa jäne ıntımaqtastıqtı damıtuğa septigin tigizetinin ayttı.

Qasım-Jomart Toqaev WQŞW janındağı Seriktes jäne Baqılauşı instituttardı odan äri damıtudıñ mañızdılığın atap ötti. Instituttardı qwru turalı şeşim bıltır Qazaqstan astanasında qabıldanğan bolatın. Prezidenttiñ pikirinşe, bwl instituttar jwmıstarınıñ alğaşqı nätijeleri de aytarlıqtay.

Prezident WQŞW ayasındağı saraptamalıq-dialogtıq infraqwrılımdı keñeytuge şaqırdı. Memleket basşısınıñ aytuınşa, Wjımdıq qauipsizdik keñesiniñ aldağı sessiyalarınıñ birinde ministrler, Qauipsizdik keñesi hatşıları, iri sarapşılar men şeteldik qonaqtar deñgeyinde halıqaralıq konferenciya wyımdastıru turalı oylanğan jön.

Qasım-Jomart Toqaev Myunhen konferenciyasın  mısalğa keltirdi.  Onıñ pikirinşe, bwl jiın bastapqıda NATO-ğa müşe elderdiñ qorğanıs vedomstvoları ökilderiniñ beyresmi kezdesui retinde wyımdastırılğan edi, al büginde Europanıñ qauipsizdigine qatıstı problemalardı talqılaytın bedeldi forumğa aynaldı.

Memleket basşısı öz sözinde WQŞW-ğa müşe memleketter aumağındağı, sonıñ işinde Auğanstandağı terrorizmge qarsı is-qimıl mäseleleri turalı ayttı.

– Büginde resmi bilik el aumağınıñ jartısınan astamın ğana baqılaydı. Onda halıqtıñ 65 payızı  twradı. Auğanstannıñ qalğan aymaqtarı terroristik wyımdardıñ qolında. Oñtüstikten tönetin osınday qauiptiñ bar ekenin eskere otırıp, WQŞW halıqaralıq terrorizm men basqa da qaterlerge qarsı küresu üşin qarulı küşter men qwraldardı saqaday-say wstauı qajet, – dedi Qazaqstan Prezidenti.

Memleket basşısı Sammit qatısuşılarına «Jusan» arnayı gumanitarlıq operaciyasınıñ nätijesi turalı aytıp, osı şara barısında Qazaqstan men Siriyanıñ salalıq organdarı 595 azamattı, onıñ işinde 400-den astam balanı qaqtığıs aymağınan alıp şıqqanın jetkizdi. Prezident juırda ğana Iraktan bir top balanıñ qwtqarılğanın habarladı.

Qasım-Jomart Toqaev zañsız esirtki aynalımımen küres, aqparattıq jäne kiberqauipsizdik salalarındağı ıntımaqtastıqtı nığaytu mäselelerine nazar audardı.

Qazaqstan Prezidenti söziniñ soñında WQŞW-ğa törağalıq etken qırğız tarapınıñ jetistikteri üşin Sooronbay Jeenbekovke rizaşılıq bildirip, Wyım törağalığın qabıldap alğan reseylik äriptesterin qwttıqtadı.

Sammit qorıtındısı boyınşa WQŞW-ğa müşe memleketter basşıları jahandıq jäne öñirlik qauipsizdikti nığaytu maqsatında halıqaralıq is-qimıldar men ıntımaqtastıqtı jetildiru turalı sayasi mälimdeme qabıldadı.

Bişkekte qabıldanğan qwjattar WQŞW ayasındağı ıqpaldastıqtı odan äri nığaytuğa bağıttalğan. Qwjattar Wyımnıñ aşıqtığın jäne onıñ özge eldermen jäne halıqaralıq qwrılımdarmen ıntımaqtastığın keñeytuge beyildigin körsetedi.

Wjımdıq qauipsizdik keñesi sessiyasınıñ qorıtındısı boyınşa 17 qwjatqa, sonıñ işinde, jahandıq jäne öñirlik qauipsizdikti nığaytu maqsatında halıqaralıq özara is-qimıldar men ıntımaqtastıqtı jetildiru turalı mälimdemege jäne Wjımdıq qauipsizdik keñesiniñ 14 şeşimine qol qoyıldı:

***************

1. «1941-1945 jj. Wlı Otan soğısındağı Jeñistiñ 75 jıldığın merekeleu jönindegi is-şaralar josparı turalı»;

2. «Wjımdıq qauipsizdik şart wyımınıñ normativtik qwqıqtıq aktilerine özgerister engizu turalı»;

3. «Wjımdıq qauipsizdik şart wyımınıñ Wjımdıq qauipsizdik keñesi turalı Erejesine özgerister engizu turalı»;

4. «Wjımdıq qauipsizdik şart wyımı organdarı räsimderiniñ Qağidalarına özgerister engizu turalı»;

5. «Birikken Wlttar Wyımınıñ Jahandıq terrorizmge qarsı strategiyasın iske asıru jönindegi Wjımdıq qauipsizdik şart wyımına müşe memleketterdiñ 2019-2021 jıldarğa arnalğan wjımdıq is-qimıldar josparı turalı»;

6. «Täjik-auğan şekarası mañındağı şielenisti azaytuğa bağıttalğan qosımşa şaralardıñ tizbesi turalı»;

7. «Wjımdıq qauipsizdik şart wyımına müşe memleketterdiñ qorğanıs-önerkäsiptik (äskeri-önerkäsiptik) keşenderiniñ käsiporındarı men wyımdarınıñ kooperaciyalıq jäne integraciyalıq baylanıstarın damıtu salasındağı bazalıq wyım turalı»;

8. «Wjımdıq qauipsizdik şart wyımı ayasında birlesken ğılımi-zertteu jäne täjiribelik-konstruktorlıq jwmıstardı wyımdastıru äri jürgizu tärtibi turalı Ereje»;

9. «Wjımdıq qauipsizdik şart wyımına müşe memleketterdiñ aqparattıq tehnologiyalar salasındağı qılmıstarğa qarsı is-qimıldar jönindegi twraqtı is-äreketter operaciyaları turalı Erejege özgerister engizu turalı («PROKSI» operaciyası)»;

10. «Wjımdıq qauipsizdik şart wyımı Qorğanıs ministrleri keñesi turalı Erejege özgerister engizu turalı»;

11. «Wjımdıq qauipsizdik şart wyımınıñ 2018 jılğa arnalğan byudjetiniñ jwmsaluı jönindegi esep turalı»;

12. «Wjımdıq qauipsizdik şart wyımınıñ 2020 jılğa arnalğan byudjeti turalı»;

13. «Wjımdıq qauipsizdik şart wyımınıñ nagradalarımen marapattau turalı»;

14. Wjımdıq qauipsizdik şart wyımı Wjımdıq qauipsizdik qeñesiniñ kezekti sessiyasınıñ ötkizilu uaqıtı men ornı turalı», sonday-aq WQŞW Wjımdıq qauipsizdik jüyesi jwmıstarınıñ mäselelerine qatıstı basqa da qwjattar.

Abai.kz

2 pikir