Qazaq tilinde ýsh dauyssyz tirkes sózding ortasynda aldynghy ekeui ýndi-qatang bolyp qana kele alatyny belgili. Búghan qúmyrsqa, esirtki, qaltqy, taghy sol siyaqty sózderdi mysalgha keltiruge bolady.

Alayda «Qazaqstan» sózine nazar audarsaq, ýsh qatang dybys tanbasy tirkese jazylyp, tilimizding zandylyghyna baghynbay túrghanyn angharamyz. Dúrysynda, búl sóz «stan» qosymshasynyng aldynan y dәneker dybysynyng tanbasy qoyylyp, «Qazaqystan» ne «Qazaghystan» týrinde jazyluy kerek qoy. Búlay jazsaq, ne ersiligi bar edi? Mysaly, «stan» qosymshasyn paydalanatyn ózbek, týrikmender Ózbekistan, Týrkmenistan dep jazyp otyrghan joq pa?!

Mýmkin, «Qazaqstan» dep jazudy úsynushylar y dybysynyng latynsha tanbasy joq bolghandyqtan el atynyng halyqaralyq jazyluynda qiynshylyq bolmasyn degen shyghar. Eger y-dan qashamyz desek, «Qazaq eli», «Qazaqiya», taghy sol siyaqty ataulardy-aq beruge bolmay ma?

Toq eteri, qalay bolghanda da, qazaq elining atynyng qazaq tilining zandylyghyna baghynbauynyng kelisi joq. Sondyqtan jana әlipbiyge kóshpey túryp, elimizding atynyng dúrys jazyluyn oilastyrghan jón.

Quantqan Vanov

Abai.kz