Beysenbi, 13 Tamız 2020
COVID-19 QAZAQSTANDA. Jwqtırğandar — 101372. Jazılğandar — 76756. Qaytıs bolğandar — 1269
1679 10 pikir 6 Jeltoqsan, 2019 sağat 11:01

Ukraina SİM Qazaqstan elşisin şaqırdı. Eki tarap Toqaev sözin talqıladı

5 jeltoqsanda Ukraina sırtqı ister ministrligi Qazaqstannıñ Ukrainadağı elşisi Samat Ordabaevtı şaqırıp, kezdesu ötkizdi. Bwl turalı ministrliktiñ resmi saytı habarladı.

Kezdesu kezinde Ukraina sırtqı ister ministrligi Qasım-Jomart Toqaevtıñ germaniyalıq Deutsche Welle telearnasındağı swhbatında Qırım anneksiyasına qatıstı aytqan sözine alañdauşılıq bildirgen. Ukraina sırtqı ister ministrliginiñ mälimdeuinşe, eki tarap 1994 jılı 20 qañtarda qol qoyılğan Ukraina men Qazaqstan arasındağı dostıq kelisimindegi principterdi qatañ wstauğa kelisken.

Toqaev Deutsche Welle nemis teleradiokompaniyasına bergen swhbatta «Qırımda bolğan jağdaydı anneksiya dep atamaymız. Anneksiya – tım auır söz» degen. 3 jeltoqsanda jariyalanğan swhbattan soñ Ukraina sırtqı ister ministrligi prezidenttiñ bwl sözin sınap, Qazaqstanğa demarş joldaytının mälimdegen.

Toqaevtıñ bwl sözin qazaqstandıq jäne ukrainalıq jeli qoldanuşıları da sınadı.

Resey 2014 jılı köktemde Ukraina qwramındağı Qırım tübegin anneksiyalap, Resey federaciyasınıñ qwramındağı sub'ekt dep jariyalağan edi. Sol jılı säuirde Ukrainanıñ Doneck jäne Lugansk oblıstarında reseyşil separatister men Ukraina äskeri arasında qarulı qaqtığıs bastalğan. Sodan beri ol soğısta 13 mıñnan astam adam qaza tapqan.

Batıs elderi Reseydiñ Ukrainağa qatıstı is-äreketin ayıptağan.

Abai.kz

10 pikir