Memleket basshysy Jastar jylynyng jabylu jәne Volonter jylynyng bastalu saltanatyna qatysty. Preziydent óz sózinde Tәuelsizdik kýni qarsanynda jastarmen kezdesuining manyzdy ekenin atap ótti. Búl turaly Aqordanyng baspasóz qyzmeti jazdy.

– Biz ýshin búdan asqan qasterli әri manyzdy mereke joq. Tәuelsizdigimizdi nyghaytyp, elimizdi odan әri órkendetu – qazirgi úrpaqtyng qasiyetti boryshy. Sondyqtan biz sizderge zor ýmit artamyz. Memleketimizding keleshegi – ózderiniz! Býgingi jastar – elimizding erteni, últymyzdyng bolashaghy, memleketimizding mәrtebesi. Úrpaghyn ayalay bilgen halyq irgeli júrtqa ainalatyny belgili. Biz halqymyzdy әlemge tanytqan eng asyl qasiyetterdi sizderding boylarynyzdan kórgimiz keledi, – dedi Qasym-Jomart Toqaev.

Preziydentting aituynsha, Elbasy Núrsúltan Nazarbaevtyng bastamasymen ótken Jastar jylynda memlekettik organdar óskeleng úrpaqty qoldau maqsatynda kóptegen júmys atqarghan, birneshe baghyttar boyynsha jobalar iske asqan, onyng ishinde, baspanamen jәne júmyspen qamtu, sapaly әri qoljetimdi bilim beru isi qolgha alynghan.

– Elimizding iri qalalarynda júmysshy jastargha 9 myng pәter beru turaly sheshim qabyldandy. Ony jalgha alu qúny aiyna 15 myng tenge ghana bolady. Biyl 5 myng azamat memleketten grant alyp, jas kәsipker atandy. Aldaghy ýsh jyl ishinde olardyng sany 30 myngha deyin kóbeyedi. Búdan bólek 10 myng jas biznesmen shaghyn nesiyening arqasynda óz óndirisin keneytti. Sonyng basym kópshiligi audan jәne auyl túrghyndaryna arnaldy, – dedi Memleket basshysy.

Qasym-Jomart Toqaev jastardyng nazaryn olar ýshin ashylyp jatqan jana perspektivalargha, jas buynnyng әlemdegi aldynghy qatarly uniyversiytetterde bilim alu mýmkindikterine audardy. Sonday-aq jastardy jetekshi tehnologiyalyq kompaniyalarda júmys isteuge, óz jobalaryn ozyq ghylymy ortalyqtarda jýzege asyrugha shaqyrdy.

– Kez kelgen elding tabysy óz azamattarynyng jekelegen jetistikterinen qúralady. Eger әrqaysysynyz aldarynyzgha qoyghan maqsatqa qol jetkizip, óz qabiletterinizdi arttyrsanyzdar, memleket te tabysty bolady. Býgingidey joghary bәsekege qabiletti әlemde eshkim tughannan tabysty bola almaydy jәne oghan kepildik te berilmeydi. Ol ýshin ýnemi enbektenu kerek, eng aldymen, óz-ózindi damytuyng qajet, – dedi Memleket basshysy.

Preziydent jastardy qoldau jóninde birynghay keshendi baghdarlama jasau qajettigin aitty.

– Birynghay baghdarlama óskeleng úrpaqtyng ózekti problemalaryn sheshuge baghyttalady. Eng bastysy, onyng mehanizmi jastarymyz ýshin qarapayym әri týsinikti boluy tiyis. Jeke jәne kәsiby túrghydan ósu, júmysqa ornalasu nemese túrghyn ýy alu ýshin Qazaqstannyng qay jerinde, qanday mýmkindikter bar ekenin әrkim biluge tiyis, – dedi Qasym-Jomart Toqaev.

Qazaqstan Preziydenti bilim beru sapasy men qol jetimdiligin arttyru isin negizgi mindetterding biri retinde kórsetti. Memleket basshysy diplom basyp shygharatyn jәne taratatyn mekemege ainalghan joghary oqu oryndaryna qatysty shara qabyldau qajettigin talap etti. Sonymen qatar Preziydent Ýkimetke joghary oqu oryndary men kolledj studentterining stiypendiyasyn kóterudi tapsyrdy.

– Joghary oqu oryndary studentterining stiypendiyasyn arttyru ózekti mәselelerding biri ekenin bilemin. Búl mәselege kónil bólinbey qaldy. 2016 jyldan beri stiypendiya kóbeygen joq. Sondyqtan studentterdi qoldau ýshin 2020 jyldyng 1 qantarynan bastap bakalavriat, magistratura men doktoranturada oqityn studentterding stiypendiyasyn 25 payyzgha ósiru jóninde sheshim qabyldadym. Búl jalpy 130 myngha juyq adamdy qamtidy. Múnday qoldau kolledj studentterine de kórsetiletin bolady, – dedi Memleket basshysy.

Qasym-Jomart Toqaev aldaghy Volonter jylynyng mindetteri turaly aita kelip,  birneshe negizgi baghyttargha nazar audarudy úsyndy.

«Sabaqtastyq» jobasy ayasynda eriktiler balalar ýiining tәrbiyelenushilerin óz qamqorlyqtaryna ala alady. «Saulyq» baghyty boyynsha medisinalyq volonterlik damidy, olar auyrghan adamdargha jәrdem kórsetedi. «Taza әlem» jobasy qorshaghan ortany qorghaugha baghyttalghan. «Asyl Múra» baghyty eriktilerdi materialdyq jәne ruhani, mәdeniy-tarihy múralardy saqtau júmystaryna tartady. «Qamqor» bastamasy qarttar ýiindegi eriktiler júmysyn qamtamasyz etedi. «Bilim» jobasy auyl mektepterindegi joghary synyp oqushylaryn ÚBT-gha dayyndau júmystaryna, aghylshyn tilin ýiretip, kompiuterlik sauattylyqty jetildiruge kómektesedi. «Ýmit» jobasy boyynsha eriktiler Ekinshi dýniyejýzilik soghystaghy Jenisting 75 jyldyghy ayasynda otandastarymyzdyng erligin bayandaytyn qújattardy izdestirumen ainalysady.

Preziydent volonterlikti últtyq masshtabta ghana emes, әrbir qala men auylda damytu kerek dep sanaydy. Sonymen qatar újymdyq volonterlikti órkendetuge memlekettik apparatty da, últtyq jәne iri kompaniyalardy da atsalysugha shaqyrdy.

– Dana halqymyz «Júmyla kótergen jýk jenil» degen. Qayyrymdylyq pen meyirimdilik – qanymyzgha singen qasiyet. Qazaqta asar jasap, bir-birine kómektesip, qoldau kórsetu dәstýri bar. Onyng volonterlikpen ýndesetini sózsiz. Sondyqtan aldaghy jyly sol dәstýrdi zamangha say qayta janghyrtuymyz qajet, – dedi Memleket basshysy.

Shara sonynda Qasym-Jomart Toqaev jastardyng belsendi ókilderin memlekettik nagradalarmen jәne alghys hattarymen marapattady. Sonday-aq EKSPO aumaghynda ashylghan «ArtHUB» shygharmashylyq bastamalar ortalyghynyng jobalarymen tanysty.

Memleket basshysynyng sóilegen sózining tolyq mәtinimen myna jerden tanysugha bolady.

Abai.kz