Jwma, 24 Qañtar 2020
Dat 2100 6 pikir 12 Jeltoqsan, 2019 sağat 11:47

QR Auıl şaruaşılığı ministri Saparhan Omarovtıñ nazarına!

Meniñ QR «Jer kodeksine» baylanıstı Prezident Qasım-Jomart Toqaevqa jasağan wsınısıma turalı qırğız jurnalistteri de nazar audarıp, Qırğızdıñ wttıq lideri Ömürbek Tekebaevtıñ Jer zañına qatıstı jobasına tağı bir märte toqtalıptı.

QR «Jer kodeksiniñ» 37-, 46-, 100- baptarında Oralmandarğa jer uçaskelerin beru qarastırılğan.

Osığan baylanıstı, Prezident Qasım-Jomart Kemelwlına alda jañadan qabıldanatın «Jer kodeksiniñ» atalğan baptarındağı «Oralmandarğa» degen sözden keyin «jäne Qazaqstan Respublikasınıñ azamatı bolıp tabılmaytın wltı qazaq adamdarğa;» degen söylemdi qosıp, şettegi etnikalıq qazaqtarğa da jerdiñ paydalanu qwqığın berudi wsınğam.

Eger, Qazaqstan Respublikasınıñ azamattarı bolıp tabılmaytın wltı qazaq adamdarğa Jer telimderiniñ paydalanu qwqığın beru jobası iske assa, Elimizge şettegi qazaqtardıñ äleuetinen paydalanu mümkindigi tuadı. Olar Qazaqstanğa kelip, käsiporındar qwra aladı. Jwmıs közderi aşıladı...
Söytip, otandıq önimdi öz elderine aparıp, ülken narıqta erkin sata aladı.
Tipti, özi twrğan elderdegi özge wlttar qazaqtar arqılı Qazaqstanğa qarjı sala bastaydı...

Sonımen birge, qazir «Otandastar qorı» «Etnikalıq qazaqtardı memlekettik qoldau turalı» Zañ jobasın dayındau üstinde.
Atalğan zañ ayasında «Qazaq kartası» degen wğımdı engizgeli jatır.
«Qazaq kartasın» alğan etnikalıq qazaqtar jeñildik alıp, şarua nemese fermer qojalığın jäne tauarlı auıl şaruaşılığı öndirisin jürgize aladı.

QR Auıl şaruaşılığı ministri Saparhan Omarov bwl mäseleni tereñ tüsinip, iske asıradı degen senimdemin!

Auıt Mwqibek

QR Prezidenti janındağı Wlttıq qoğamdıq senim keñesiniñ müşesi

Abai.kz

6 pikir