Düysenbi, 25 Mamır 2020
COVID-19 QAZAQSTANDA. Jwqtırğandar — 8531. Jazılğandar — 4506. Qaytıs bolğandar — 35
Bilik 1085 0 pikir 8 Qañtar, 2020 sağat 10:28

Memleket basşısı Danial Ahmetovti qabıldadı

Prezident Qasım-Jomart Toqaev Şığıs Qazaqstan oblısınıñ äkimi Danial Ahmetovti qabıldadı.

Oblıs äkimi Memleket basşısına aymaqtıñ 2019 jılğı äleumettik-ekonomikalıq damu qorıtındıları, sonday-aq öñirdiñ äleuetin odan äri nığaytu jönindegi josparı turalı bayandadı.

Danial Ahmetovtiñ aytuınşa, Şığıs Qazaqstan oblısında investiciya kölemi artqan, önerkäsip jäne auıl şaruaşılığı öndirisiniñ ösui bayqaladı.

Oblıs äkimi Prezidentke ataulı äleumettik kömek berudiñ jaña formatın iske asıru barısı jayında mälimet berdi. Qasım-Jomart Toqaev oblısta twratın ärbir az qamtılğan otbasınıñ jağdayına mwqiyat taldau jasap, olarğa kömek körsetu jöninde tiisti şaralar qabıldaudı tapsırdı. Köp balalı otbasılarğa qatıstı da osınday tapsırma berildi.

Sonımen qatar Danial Ahmetov Memleket basşısına osı jıldıñ ekinşi jartıjıldığında Bwqtırma su qoyması arqılı ötetin köpirdiñ qwrılısı bastalatının habarladı. Prezident bwl nısannıñ äleumettik twrğıdan asa mañızdı ekenin atap ötip, köpir qwrılısı aymaq halqınıñ edäuir böligin jol tauqımetinen arıltatının ayttı.

Qasım-Jomart Toqaev Danial Ahmetovke Abaydıñ 175 jıldığın ötkizuge, sonıñ işinde, Jidebaydağı mwrajay men qonaq üy keşeniniñ qwrılısına qatıstı birqatar naqtı tapsırma berdi.

Memleket basşısı äkimniñ öñirdi äleumettik-ekonomikalıq damıtu jönindegi jwmısına oñ bağa berip, Şığıs Qazaqstan oblısınıñ ğılım-bilim jäne medicinalıq äleuetin arttıruğa bağıttalğan bastamaların atap ötti.

Abai.kz

0 pikir