Jwma, 28 Aqpan 2020
46 - söz 1246 2 pikir 24 Qañtar, 2020 sağat 13:04

Bilim bölimderi basşıların tağayındau oblısqa berilmek

Jaqında bilim jüyesindegi özgeristerge qatıstı tağı bir jañalıqtı qwlağım şaldı. Ol bilim jüysin basqaruğa qatıstı eken. YAğni, 2021 jıldan bastap bükil qarjısın, al 2020 jıldıñ 1 qañtarınan bastap audan, qala bilim bölimderi basşıların ministrlikpen kelisip tağayındau oblısqa beriletin bolıptı. Bwl degeniñiz barlıq funkciyalardıñ audan qala deñgeyinen oblısqa beriledi degendi söz. Mwnıñ ne özgeris ekenin qarapayım köpşilik bile bermeui de mümkin. Mäsele tüsinikti boluı üşin äñgimeni säl äriden bastağan dwrıs şığar.

Keñes ükimeti qwlap, elimiz täuelsizdik alğanğa deyin bizdiñ bilim jüyesin basqaru vertikaldı boldı. Audan, qala bölimderi men oblıstıq basqarmalar basşıların ministrliktiñ eleginen ötken soñ barıp tağayındalatın. Bwl bilim jüyesin basqaruğa kezdeysoq adamdardıñ keluine jaqsı tosqauıl edi. Bäriñizdiñ esteriñizde bolsa, ol kezeñdegi basşılarda ülken jauapkerşilik seziletin. Keyingi otız jılda audan äkimderiniñ köpşiligi qolına tigen mwnday mümkindikti dwrıs paydalana almadı desede boladı.

Mäselen, keyingi kezderi jelide audan äkimi tağayındağan bilim bölimderiniñ basşılarınıñ biliktiligine kümän köbeyip ketti. Äsirese bilim salasınan auılı alıs nemese tiisti diplomı joq kezdeysoq adamdardıñ basqarıp otırğanı turalı şağımdar jii aytıla bastadı. Nemese bir oblıstağı audandardıñ jağdayınıñ är qilılığı. YAğni, audan äkiminiñ közqarasına bilim salası täuildi bola bastadı. Sonıñ kesirinen elimizdegi bilim sayasatınıñ är jerde är qilı boluına äkelip soqtı. Bwl bir elde twratın balalarımızdıñ sapalı bilim aluına jasalatın jağdaydıñ tek bir audan äkimine täuildi etti. Olardıñ arasında bilim salasın jiti tüsinbegendikten astı-üsti qaraytındarı köbeye bastadı. Bwl siz biletin mäseleniñ bir qırı ğana.

Sondıqtanda men bilim jüyesin basqaruğa bilikti mamandardıñ kelgenin qalaymın. Jaña basqaru jüyesi osınday qaptağan kemşilikterdiñ ornın toltıratınına senimim mol. Olay bolsa, Bilim ministrliginiñ mwnday bastamaların qoldau qajet dep oylaymın.

Jaña özgeristerdiñ bir-eki erekşelikterine toqtala keteyin:

Är audanğa qajettilikterine oray birkelki qarjılıq ülester,

Jappay memlkettik sayasattıñ jürgiziluine jağday jasau,

Zañ normaların jappay tüsinu jäne jüzege asıru,

Bilim beru organdarındağı kadrlardıñ sapasın arttıru

Siz ne oy qosar ediñiz?

Ğani Beysembaevtıñ äleumettik jelidegi jazbasınan

Abai.kz

2 pikir