Beysenbi, 9 Säuir 2020
COVID-19 QAZAQSTANDA. Jwqtırğandar — 764. Jazılğandar — 55. Qaytıs bolğandar — 7
Bilgenge marjan 2541 9 pikir 15 Aqpan, 2020 sağat 13:54

Franciyadan bilim aluğa qazaq studentterine de mümkindikter köp

Eshat Nwrjwmawlı (Franciyadağı qoldanğan esimi Ulysse Ouvrieu) 1988 jılı tuğan. Franciyadağı Normandi biznes akademiyasınıñ Basqaru ğılımınıñ magistri. 2018 jıldan bastap Parijdegi Davinçi universitetiniñ Halıqarlıq damıtu böliminiñ jauaptı qızmetkeri bolıp jwmıs istep keledi.


– Öziñiz jwmıs istep otırğan bilim ordasınıñ tarihı turalı az-kem  toqtala ketseñiz...

– Bwl universitet Parijdegi rayondıq ükimet qwrğan jeke joğarı oqu ornı. Keyin kele damu satısına köterilip, qoldauşıları men bilim aluşılardıñ jaqsı ortasına aynalıp ülgirdi. Maqsatı payda tabu emes, bilim aluşılarğa sapalı bilim beru. Qazir osı universitetke älemniñ barlıq elderinen kelip, oqıp jatqan neşe mıñ studetter bar. Jeke universitet bolğanımen, bilim berui jağınan memlekettik universitterden kem tüspeydi.

– Franciyanıñ bilim beru jüyesinde qanday erekşelikter bar?

– Franciya elindegi bilim sapasın öte kemeldi dep aytuğa boladı. Joğarı oqu ornına tüsip oqığısı keletinderge mümkindikter de köp. Bwl eldegi qoğamdıq universitter negizinen aqısız. 11 sınıptı tauısıp, diplomdıq emtihannan ötkender joğarıda aytılğan qoğamdıq universitetterge kirip, oqi aladı. Qayda oqu, qay oqu ornın tañdauı är kimniñ öz erkinde. Bir bayqağanım, Franciya elinde barlıq adamğa bilim alu mümkindigi qarastırılğan. Armanı bar adamdı alğa jeteleuge ükimet te ıntalı. Papeolon kezinde bastalğan oqu bağdarlamaları da äli künge jüzege asıp kele jatır. Men istep otırğan universitet te sol bağdarlamanıñ ayasında bilim beredi. Joğarı oqu orındağı erekşelikke toqtalsaq, är oqu jılı bitkende, bir ay nemese eki ay uaqıt praktikalıq jwmısqa jiberiledi. Al universitettiñ üşinşi jılı mindetti türde şetelge barıp, jartı jıl täjiribe almasadı. Al jeke joğaru oqu orındarı wlttıq kompaniyalar, biznes orındarı men tığız baylanısta boladı. Osı orındar wlttıq bilim jüyesin damıtuğa, studentterdiñ bilim alu sapasın jıl sayın arttıruına kömektesedi.

– Osı jwmısqa ornalasuıñızğa qanday mümkindikter sebep boldı

– Men auılda ösken qarapayım qazaqtıñ balasımın. Kezinde Qıtaydıñ işki qalasında oqıdım. Äsker qatarında bolıp, soğıs wşağın aydau mümkindigim de boldı. Tipti, därejem ösip, äskeri salada basşılıqqa da wsınıldım. Biraq sonıñ bärin tastap, basqa salada oqıp, izdendim. Oqığan mamandığım parahot aydau. Arada özim jeke kompaniya aşıp, özime jeterliktey aqşa tapqan soñ, şetelge şığıp, bilim aldım. Osı barısta özimniñ biznes salasında jwmıs jasay alatınıma köz jetkizgen soñ,  şeteldegi bir joğarı oqu ornına tüsip, bilim aludı közdedim. Ağılşın tili deñgeyim tömen bolğnadıqtan, Filippinge barıp, sol jaqtan til üyrendim. Endi oylap körsem, meni jetelegen, mağan qanat bergen – meniñ esil armandarım eken. Dayındığım bitken soñ, Parijdegi biznes universitetine oquğa qabıldanıp, bitirgen soñ, qazirgi istep otırğan universitetke jwmısqa kirdim. Olardıñ mağan qızıqqanı meniñ birneşe til biletinim jäne öz mamandığıma jetik bolğanım. Onıñ üstine halıqaramen tığız baylanıs jasauğa men olarğa kerek boldım.

– Parijdegi qazaqtarmen aralasıp twrasız ba?

– Ökiniştisi men Parijde twrsam da, osındağı qazaqtarmen köp aralasıp ketpeymin. Juıqta Parijdegi Qazaqstan elşiligi naurız merekesin toylaydı dep estidim, sol kezde qandastarımnıñ köbimen tanısatın şığarmın.

– Şetelde bilim aludıñ qanday artıqşılıqtarı bar?

– Sırtqa şıqpağan adamdardıñ közqarsı beyne qwdıqtıñ tübindegi baqamen birdey dep aytuğa boladı. Bwnı qazaq «Wlım jaqsı bolsın deseñ, şetke ayda» dep bayağıda-aq aytıp ketken. Qazirgidey damığan ğasırda şet elderge şığıp, wqsamağan mädenietterdi üyrenip, kün sayın jaña düniege köz salu meyli kimdi bolsın damu satısına kötere aladı. Qanşama tar şeñberde ömir sürsek, sonşama tar oylaytın bolamız. Adamğa, ömirge, qoğamğa degen tüsinik te sol şeñberdiñ ayasında aynalsoqtaydı. Şetelge şığıp, ömir sürip jürgender öz tilin wmıtadı degen közqaraspen kelispeymin. Kerisinşe, sırtta jürgender öz tiline, mädenietine adal boladı.

– Sizderdiñ universitetke oquğa tüsu üşin qanday talaptar bar?

– Bizdiñ universitet negizinen basqaru mamandığın oqıtudı negizge aladı. Birinşi diplom, sosın Francuz tilin bilu negizgi talabı. Al magistruturağa tüsu üşin ağılşın tilin jaqsı bilui şart. Bir quanıştı jağday, osı aqpan ayınıñ ayağında men özimizdiñ universitettiñ atınan Nwr-Swltan qalası men Almatı qalalasına barıp, student qabıldau jinalısına qatısıp, Qazaq elindegi bizdiñ universitten oqığısı keletin studenttermen betpe-bet pikir almasu orayın ie boldım.

Ayta keteyin, 22 aqpan küni Nwr-Swltan qalasında, 23 aqpan küni Almatı qalasında ötedi. Grant alıp, oqığısı keletinder de menimen tike habarlasıp, öz oyların aytuına äbden boladı. Osı jolğı saparısda Qazaqstandağı Franciyadan oqığısı keletin studentterdi köptep kezdestiretin şığarmın degen ümittemin. 22 aqpan küni Nwr-Swltan qalası, Sarıarqa köşesi № 4 Radisson Astana Hotel qonaqüyinde (Sağat 10:00-16:00), Al Almatı qalasında 23 aqpan küni äl-Farabi dañğılı 77/7, Carlton Almaty Hotel qonaqüyinde öted.

Äñgimelesken Didar Qayrat

Abai.kz

9 pikir