Düysenbi, 6 Säuir 2020
COVID-19 QAZAQSTANDA. Jwqtırğandar — 629. Jazılğandar — 45. Qaytıs bolğandar — 6
1158 8 pikir 18 Aqpan, 2020 sağat 15:29

Qordayda policiya qızmetkerlerine qarsı küş qoldanu isin tergeu ayaqtaldı

Qorday audanınıñ policiya qızmetkerlerine qatıstı zorlıq-zombılıqtı tergeu ayaqtaldı. Bwl turalı Bas prokuraturanıñ baspasöz qızmeti habarladı.

- 2020 jıldıñ 7 aqpanında Jambıl oblısı Qorday audanı Sartöbe aulında jol policiyası qızmetkerleriniñ patrul'deu kezinde L.Voinguydiñ basqaruındağı «Honda Odissey» avtoköligi toqtatılğan.

Köliktiñ tiisti qwjattarı bolmağandıqtan, L.Voinguyğa policiya bölimine baru wsınılğan.

Alayda, ol oficerlerdiñ talaptarın orındamay, üyine qaray bet alğan jäne keyinnen ağaları A. Voinguy jäne M. Voinguymen birlesip policiya qızmetkerlerine qarsı zorlıq-zombılıq jasağan.

Osı oqiğanıñ videosı bwqaralıq aqparat qwraldarı men äleumettik jelilerde taratıldı.

Atalğan fakti boyınşa Bas prokuraturanıñ arnayı prokurorımen Qılmıstıq kodekstiñ 380-babınıñ 1-böligi (bilik ökiline qatıstı küş qoldanu) boyınşa sotqa deyingi tergeu jürgizildi. Üş ayıptaluşı öz kinäların tolıq moyındap, tergeu sotımen qamauğa alındı.

Ağımdağı jıldıñ 14 aqpanı küni qılmıstıq is ayıptau aktisimen Qorday audandıq sotına joldandı, - delingen Bas prokuraturanıñ habarlamasında.

Abai.kz

8 pikir