Seysenbi, 31 Naurız 2020
Dep jatır 1677 10 pikir 25 Aqpan, 2020 sağat 12:53

Qazaqstannan 27 trillion teñge şetelge şığarılğan

Qazaqstannıñ Qarjı ministrligi, qarjı monitoringi komiteti törağasınıñ orınbasarı Ğabit Lesbekov elimizden 27 trillion teñge şetelge şığarılğanın aytıptı.

Lesbekovtiñ mälimetinşe, 27 trillion teñgeniñ şamamen 10 trillionı Wlıbritaniya men Reseyge audarılğan.

- Qazirgi tañda bazamızdağı mälimetke säykes, bizge 1 million 643 mıñ 320 habarlama tüsti. Nätijesinde jalpı soması 27 trillion teñge elden şığarılğan. Bwl aqşanıñ 80 payızı 5 elge: Wlıbritaniya, Resey, Qıtay, Şveycariya, AQŞ-qa audarılğan. Al Wlıbritaniya, Resey birinşi orında twr. Bwl memleketterge 27 trillion teñgeniñ şamamen 10 trillion teñgesi audarılğan,- depti Ğabit Lesbekov.

Al, ötken aptada LS saytı 2019 jılı Qazaqstannan 655 mlrd. teñgeden astam qarajat sırtqa şığarılğanın jazdı.

LS mälimetinşe, Qazaqstannıñ şet elderge jibergen aqşası bir jıl işinde 9%-ğa ösken. Al, aqşanıñ basım böligi Resey men Özbekstanğa audarılğan körinedi.

Wlttıq bank bwl audarımnıñ 2018 jılmen salıstırğanda 8,8 payızğa köp ekenin ayttı.

2019 jılı Qazaqstan qay elderge qanşa qarajat audardı?

Reseyge - 208 milliard.teñge

Özbekstanğa - 139 milliard.teñge

Türkiyağa - 93,4 milliard.teñge

Qırğızstan -87,2 milliard.teñge.

Qıtayğa 35,5 - milliard teñge

Ukrainağa - 10,7 milliard teñge

Armeniyağa - 9,4 milliard teñge audarılğan.

Sonımen birge, 2019 jılı Qazaqstanğa basqa elderden 342 milliard teñgeden astam qarajat kelgen.

Abai.kz

10 pikir