«BÚÚ -Áyelder» qúrylymynyng jobalyq menedjeri Gýlnar Smayylova halyq ishinde beybit jiyn ótkizu mәdeniyetin kóteru boyynsha júmys jýrgizu kerektigin atap ótti.

«Memleket ýshin osynau manyzdy zandy әzirlegenderiniz ýshin rahmet. Osy zandy qabyldaumen birge halyqtyng tanym-týsinigin arttyru boyynsha, yaghny beybit týrde jinaludyng mәdeny amal-әdisterin de ýiretu kerek degen pikirdemin. Bәlkim qoghamdyq kenesterde, mәslihattardyng alanynda adamdardyng qalay beybit jinalatynyn, qalaysha sypayy amal-әdister arqyly oy bildiruge bolatyny jayly tyndau ótkizgen jón bolar», – dedi

Gýlnar Smayylova beybit jiyndar turaly zang jobasynyng talqylauynda. Ol sonymen qatar jalpy jaghdaydy mitingke úlastyrudyng qajeti joqtyghyn aitady.

«Beybit jiyndargha jetkizbey-aq qoghamdyq kenester men mәslihattargha baryp, yaghny mitingke jinalmay-aq el pikirin tynday alatynday júmys jýrgizgen abzal. Qoghamdyq qauipsizdik pen halyq ýnine qúlaq asatyn memleket dep aityp jýrgenimizdey, jiyndargha jetkizbey-aq halyqty tynday biluge bolady», - dedi Gýlnar Smayylova.

Óz kezeginde Europadaghy qauipsizdik jәne yntymaqtastyq úiymy baghdarlamalary kensesining basshysy Dierdi Sabo zang jobasyna ong baghasyn berdi.

«Zang jobasy dәl osylay әzirlenui kerek. Júmys barysy bizding kónilimizden shyghyp otyr. Ártýrli orynda, әrtýrli dengeyde pikirtalastar bolyp jatyr. Osynyng bәri jana әri baghyty dúrys zannyng dýniyege keluine múryndyq bolar degen senimdemin», - dedi Dierdi Sabo elordada zang jobasy talqylanghan jiynnan keyin tilshilerding súraghyna jauap bere otyryp.

Spiyker Europadaghy qauipsizdik jәne yntymaqtastyq úiymy búl ýrdiske ýles qosugha dayyn ekenin bildirdi.

«Dәl osy súraqtarmen ainalysatyn instituttarymyz, EQYÚ-nyng jeke bólimsheleri bar. Úiymgha mýshe memleketterding ótinishi boyynsha sarapshylyq pikir bildirip otyrady. Bizding úiym búl zang jobasyna taldau jýrgizuge dayyn», - dedi Dierdi Sabo.

Ayta ketsek, elordada býgin QR Aqparat jәne qoghamdyq damu ministri Dәuren Abaevtyng tóraghalyghymen beybit jiyndar turaly zang jobasyn jetildiru mәselesi talqylandy.

Is-sharagha QR Syrtqy ister viyse-ministri Erjan Ashyqbaev, Europadaghy qauipsizdik jәne yntymaqtastyq úiymy baghdarlamalary kensesining basshysy Dierdi Sabo, USAID-ting Núr-Súltandaghy Kensesining diyrektory Rayan Uedl, Qazaqstan Respublikasyndaghy BÚÚ Adam qúqyqtary jónindegi Jogharghy Komissar basqarmasynyng ókili Leyla Dýisekova, sonday-aq Germaniya, Úlybritaniya, Niyderlandy, AQSh-tyng Qazaqstandaghy elshilikterining ókilderi qatysty.

Abai.kz