2011 jyldyng 2 qazanynda, jeksenbi kýni saghat 11-de, qalalyq әkimshilikting arnayy rúqsatymen, Almaty qalasyndaghy «Saryarqa» kinoteatrynyng manyndaghy alanda «Memlekettik tildi qoldau» aksiyasy ótedi. Al, kinoteatrdyng arty... sayasy qoqystardyng qonys tepken oryny. Búl qoqysta týrki halyqtarynyng birligine týren salyp, zamanasyn bir uys etken, «ezilgen qúl-qútandy» qútyrtyp, qazaqtyng moynyna bodandyq qamytyn myqtap ilgen Leninning qoqyrayghan qorqynyshty  eskertikishi túr (suretterdi qaranyz).  Sondyqtan biz ony «sayasy qoqys alany» dep ataghandy jón sanaymyz. Qazaqstan biyligi әlgi eskertkishti eski ýkimet ýiining aldynan (Almaty qalasyndaghy búrynghy Ministrler kabiyneti ornalasqan saraydan) kýrep aparyp kýresinge tastaghanymen,  «Kýn kósemnin» túsynan bastalghan qazaqty mazaq etu oiynynan bas tarta almay keledi. Sonyng biri mysaly - osy: 3-4 jyldan bergi memlekettik tildi qoldau aksiyasy kóp kózinen tasada, qagha beris qaltarysta ótude.  Al, mәdeny ne eldik mazmúny joq jyn-oynaqtardyng jiyny she?

2011 jyldyng 2 qazanynda, jeksenbi kýni saghat 11-de, qalalyq әkimshilikting arnayy rúqsatymen, Almaty qalasyndaghy «Saryarqa» kinoteatrynyng manyndaghy alanda «Memlekettik tildi qoldau» aksiyasy ótedi. Al, kinoteatrdyng arty... sayasy qoqystardyng qonys tepken oryny. Búl qoqysta týrki halyqtarynyng birligine týren salyp, zamanasyn bir uys etken, «ezilgen qúl-qútandy» qútyrtyp, qazaqtyng moynyna bodandyq qamytyn myqtap ilgen Leninning qoqyrayghan qorqynyshty  eskertikishi túr (suretterdi qaranyz).  Sondyqtan biz ony «sayasy qoqys alany» dep ataghandy jón sanaymyz. Qazaqstan biyligi әlgi eskertkishti eski ýkimet ýiining aldynan (Almaty qalasyndaghy búrynghy Ministrler kabiyneti ornalasqan saraydan) kýrep aparyp kýresinge tastaghanymen,  «Kýn kósemnin» túsynan bastalghan qazaqty mazaq etu oiynynan bas tarta almay keledi. Sonyng biri mysaly - osy: 3-4 jyldan bergi memlekettik tildi qoldau aksiyasy kóp kózinen tasada, qagha beris qaltarysta ótude.  Al, mәdeny ne eldik mazmúny joq jyn-oynaqtardyng jiyny she? Ol tura ortalyq alanda, qazaq jastarynyng qany tógilgen qasiyetti alanda, Tәuelsizdik monumentinin  týbinde ótedi.  24 saghat Reseyding estardalyq әnderi men pop júldyzdaryn  nasihattaudan jalyqpaytyn kommersiyalyq radiolardyng tughan kýni deysiz be,   keyingi kezde «Almaty mening inkәrim» degen atqa ie bolghan (orysshasy «Alma-Ata moya pervaya lubovi») yrbaqaylardyng yrjyng shouy deysiz be bәri sol «Tәuelsizdigimizding altyn besigi» (N. Nazarbaev) Almatydaghy  Tәuelsizdik monumenti túghyryn tapqan Respublika alanyn alajonqa jasaydy. Al, «Memlekettik tildi qoldau» aksiyasyna búiyrghan oryn «sayasy qoqys alany»  bolyp túr. Bolsada qaytemiz endi... «baramyz» desip jatyr júrt.  Biraq, qazaq últynyng mәselesi  qashanghy qoqystyng manynda  qarala bermek?

«Abay-aqparat»