Beysenbi, 28 Mamır 2020
COVID-19 QAZAQSTANDA. Jwqtırğandar — 9576. Jazılğandar — 4893. Qaytıs bolğandar — 37
Koronavirus 535 2 pikir 15 Naurız, 2020 sağat 13:57

Elimizde tağı eki adamnan koronavirus tabıldı

Qazaqstanda koronavirus jwqtırudıñ tağı eki jağdayı tirkeldi.

«Qazirgi tañda Qazaqstanda 8 nauqas bar. Bäri oqşaulauda», - dedi Densaulıq saqtau ministri Eljan Birtanov «Habar 24» arnasınan tikeley efirde.

Ministrdiñ aytuınşa, bügin anıqtalğan eki adamnıñ biri Oñtüstik Koreyadan kelgen er kisi.

«Bügingi tañda qosımşa tağı eki adam tirkeldi. Birinşi nauqas - 1959 jılı tuğan äyel adam. Bizdiñ infekciyalıq stacionarda oqşaulauda jatqan pacient. Bwrın küyeuinde diagnoz anıqtalıp, jaqın baylanıstağı adam retinde oqşaulauda jatqan. Qosımşa diagnostikanıñ nätijesinde koronavirus infekciyası anıqtaldı. Onıñ otbasındağı jaqındarınıñ bäri oqşaulauda.

«Al ekinşi nauqas keşe «Seul-Almatı» wşağımen elge kelgen. Wşaqta kelgen 130 jolauşınıñ işinde tranzitpen ketkeni bar. Bäri de 100 payız infekciyalıq auruhanağa jäne stacionarğa jatqızıldı. Sonımen qalağa eşkim kirgen joq. İşinde bir pacientti anıqtadıq», - dedi Birtanov.

Ayta keteyik, 14 naurızdağı esep boyınşa Qazaqstanda barlığı 6 adamnan koronavirus anıqtalğan. Qauipti virus belgileri anıqtalğan tağı bir qazaqstandıq Germaniyada.

QR DSM mälimetinşe, Almatıda qauipti virus anıqtalğan alğaşqı eki adam 1974 jılı tuğan er adam men 1984 jılı tuğan äyel adam edi. Olar Germaniyadan kelgen. Koronavirus jwqtırğan alğaşqı qazaqstandıq 9 naurızda Germaniyadan kelgen. Ekinşi adam 12 naurızda kelgen.

Al 12 naurızda Mäskeu arqılı Milannan Nwr-Swltanğa wşıp kelgen äyelden de qauipti virus anıqtalğan.

Koronavirus jwqtırğan törtinşi adam Almatı twrğını. 1976 jılı tuğan. Ol 13 naurız küni Germaniyadan wşıp kelgen. Besinşi adam - Almatıda. 1958 jılı tuğan er adam. Jeke käsipker. Ol 10 naurız küni Mäskeuden wşıp kelgen. Al altınşısı - Nwr-Swltanda. Ol Varşavadan (Pol'şa) wşıp kelgen.

Abai.kz

2 pikir