Bolat Atabaevtyng qazaqtaghy ózindik qoltanbasy bar reformator-rejisser ekenin teatr salasyndaghy ónerge qatysy bar adamdar óte jaqsy biledi. Ónerding naghyz janashyry ekendigi óz aldyna, Bolat aghanyng ústanymynan ainymaytyn, kózqarasyn ashyq bildirip, pikirin qaymyqpay aitatyn birsózdi adam ekendigi kýni keshegi Janaózendegi oqighada eng birinshi ýn qatqanynan kóringen. Ol halyqqa qarsy oq atylghandargha arasha týsip, bolashaghymyz ýshin alanday bildi. Teatrmen «auyrghan», óner ýshin janyn beretin shygharmashylyq adamynyng sayasatta nesi bar edi dersiz, bәlkim!?

Qoghamdaghy tensizdik ashy tilin, azamattyq ýnin shyghardy. Ádiletsizdigi basymdau qoghamda ómir sýrip jatqan adam retinde Bolat agha da ózining oi-pikirin bildiruge qaqysy bar, aiyby – sol ghana. Eregesse el ýshin, aityssa, aqiqat ýshin arpalysty. Ol kisi bizdegi talay akterlerding ónerde baghyn ashqan, mening de naghyz akter bolyp qalyptasuyma ýlken enbegin sinirgen. Al aqiqaty – daryndy rejisserding óz kózqarasyn bildirgeni ýshin ghana qudalaugha úshyraghanynan teatr óneri aqsady, teatr salasyna qiyanat jasaldy!

Bolat aghanyng bir ghana el astanasynyng Arqa tósine qonys audaryp, elordamyz Astana atanghan tústa qoyghan «Abylay han» spektaklii kópting kónilinde qalghanyn, bar qazaqty tanghaldyrghanyn ónerge jenil-jelpi qaraytyndar op-onay esten shygharghanymen, rejisser enbegin shynayy baghalaghandar әli úmytqan joq. Abyz Ábish te (Kekilbaev), Elbasymyz Núrsúltan Nazarbaev ta Atabaevtyng osy enbegin baghalap, rizashylyghyn bildirgen sol kezde. Keshegi ótken Abylay hanmen baylanystyryp sonday tyng dýnie әri úmytylmaytyn ghajap qoyylym jasaghan Bolat aghanyng oiyndaghysyn ashyq aitqany ýshin ghana shetke ketkeni, nemis teatrynda júmys isteuge mәjbýr bolghany – (úghatyndargha) últtyghymyzgha syn.

Bolat agha jayly da «Ómir esteligimen qymbat» atty túraqty týrde oqyrmangha úsynylyp jýrgen jinaghyma jazylghanymen әli jariyalanbaghan edi. Dәl býgingi kýni aghanyng densaulyghy syr berip, auyr halde auruhanada jatqanyn esty sala shamamyz jetkeninshe qarjy jinaudy bastadyq. Ózin batyl hәm ór minezimen ghana tanytqan abzal jannyng eshkimnen osy uaqytqa deyin kómek súramaghany da namysty azamat ekenin kórsetti. Sol sebepti qazaqtyng janashyr qaltaly azamattary da bizding bir jaghymyzgha shyqsa eken, kómektesse eken degen ótinishim bar. Óitkeni teatr salasyna bergeninen bereri tausylmaghan Bolat aghany endigi jerde ózi az qazaqqa kereksiz deuge bolmaydy. Júdyryqtay júmylyp bar ekenimizdi, el ekenimizdi, meyirimnen ada qalmaghan qazaq ekenimizdi kórseteyikshi, aghayyn!

P.S.Bolat Atabaevqa qarjylay kómektesu joldary avtordyng әleumettik jelidegi paraqshasynda kórsetilgen

Bekjan Túrys 

Abai.kz