Jwma, 29 Mamır 2020
COVID-19 QAZAQSTANDA. Jwqtırğandar — 9576. Jazılğandar — 4900. Qaytıs bolğandar — 37
627 0 pikir 24 Naurız, 2020 sağat 19:21

Tokio Olimpiadası 2021-şi jılğa şegerildi

COVID-19 pandemiyasına baylanıstı Halıqaralıq Olimpiada Komiteti Japoniya ükimetimen kezdesuden keyin,Tokio Olimpiadasınıñ uaqıtın özgertu turalı şeşim qabıldadı. 

Koronavirustıq pandemiyağa baylanıstı Halıqaralıq Olimpiada komiteti (HOK) Tokioda 24 şilde men 9 tamız aralığında ötetin Olimpiadanı şamamen bir jılğa keyinge qaldıru turalı şeşim qabıldadı. Şeşim 24 naurız, seysenbide Japoniya prem'er-ministri Sindzo Abe men HOK basşısı Tomas Bahtıñ telefon arqılı söylesuinen keyin qabıldandı. Abeniñ aytuınşa, ol HOK basşısınıñ bwl wsınısın 100 payız qoldağanın ayttı.

Bwğan deyin Germaniya, Norvegiya, Ispaniya, Jaña Zelandiya, AQŞ, Franciya jäne basqa elderdiñ wlttıq olimpiadalıq komitetteri Oyındardı ötkizudi keyinge qaldıruğa şaqırğan bolatın.Tek, Germaniya Olimpiadanı ötkizudi qoldadı. Nemis sayasatkerleri HOK-tıñ 2020 jılğı Olimpiada oyındarına qatıstı taktikasın sınğa alğan bolatın.

23 naurız, düysenbide Kanada Wlttıq Olimpiada komiteti COVID-19 pandemiyasına baylanıstı 2020 jılı oyınğa öz sportşıların jibermeytinin mälimdegen.

Sonımen qatar, Avstraliya wlttıq olimpiada komiteti sportşılarına 2021 jıldıñ jazında ötetin Olimpiadağa dayındaluğa keñes berdi.

Abai.kz

0 pikir