Tóngen qauipti týsinu ýshin, taghy qansha adam ólui kerek?
Astanada koronavirustan kóz júmghan apamyz nauryz merekelerinde Almatygha qúdalyqqa baryp, virusty sol jerden júqtyryp kelgen eken. Búl ne degen beyqamdyq desenshi! Qúday au, qúdalyghy nesi?
Eldegi jaghdaydy kórip otyr, bilip otyr, aqparat qúraldarynyng bәri kýndiz-týni zarlap, saqtanu sharalaryn týsindirip jatyr. Sóite túra, adamdar aitqan sózdi, eskertken nәrseni qúlaqtaryna iler emes. Taghy da qansha adam ólimi boluy kerek, myna júrt tóngen qauipti týisigimen týsinu ýshin? Áli kýnge deyin qala ishinde dala kezip jýrgenderding teng jartysy maskasyz jýr. Taksistter saqtanbaydy, su tasushylar qorghanbaydy, dýkendegi satushylar maska taqpaydy. Búl netken bassyzdyq! Nadandyqty jýrekjútqandyqpen shatastyryp jýr me әlde? Bilmeymin, búl ne anqaulyq, ne baryp túrghan aqymaqtyq. Bәrin Qúdaygha tapsyrdyq deydi solardyng kóbisi. Qúday saqtansang saqtaydy. Saqtanbasang atannyng basyn saqtay ma! Bir sәt bolsa da, oilanayyq ta aghayyndar au.
Qúdalyq deydi. Tap qazir, osy kezde ýilenbese qatynsyz qalam dedi ma eken balasy? Virus endi taray bastaghanda әleumettik jelide birazy osy karantindi paydalanyp ýilenip qalyndar, rahat, toy jasap shyghyndanbaysyng dep әzildep edi. Sóitse әzildi shyn kóretinder bar eken ghoy.
Osyghan qatysty taghy bir mәsele.
Virustan qaza tapqan apamyzgha alghashynda test jasaghanda koronavirus joq degen diagnoz qoyypty. Degenmen, dәrigerler ol kisige karantinge jatudy úsynghan kórinedi. Apamyz odan bas tartyp, ýiine qaytyp ketken. Qalaysha dәrigerler virusy bar boluy mýmkin adamdy ýiine jibere saldy? Múnday jaghdayda nauqas kónbese, kýshpen ústap qalu kerek emes pe? Onyng ýstine ekinshi qaytara jasalghan test virus bar ekenin kórsetti. Al ne boldy al endi?
Adam óldi, búl bir. Ýidegilerge de júqtyrghan boluy mýmkin, búl eki. Ýshinshiden, úlynyng aituynsha qaytys bolghannyng mәiitin ýige әkelgende birtalay adam kónil bildirem dep kelip ketken kórinedi. Egerde virus ýy ishindegilerge júqqan bolsa, onda ol kelimdi-ketimdi adamdargha da taraghan shyghar. Endi olardyng bәrine izdeu salu kerek. Tauyp, karantinge japqansha ol adamdar taghy qansha adammen aralasyp ýlgeredi?
Búl da bolsa, dәrigerler men tәrtip saqshylaryna qoyylatyn ýlken súraq.
Múhtar Týmenbaydyng әleumettik jelidegi jazbasy
Abai.kz
