Beysenbi, 4 Mausım 2020
COVID-19 QAZAQSTANDA. Jwqtırğandar — 12067. Jazılğandar — 6469. Qaytıs bolğandar — 48
1421 0 pikir 4 Säuir, 2020 sağat 14:05

Elimizde azıq-tülik bağası belgilendi

Sauda, auıl şaruaşılığı jäne wlttıq ekonomika ministrligi birlesken bwyrıqqa qol qoydı. Bwyrıqqa säykes, Qazaqstandağı tötenşe jağdayğa baylanıstı äleumettik mañızı bar azıq-tülik tauarlarınıñ bağası belgilendi,-dep habarlaydı Tengrinews.kz.

Büginnen bastap kelesi tauarlarğa şekti bağalar belgilenedi: birinşi swrıptı biday wnı, birinşi swrıptı wnnan jasalğan nan, tütik kespe (tarazıda ölşenetin), qaraqwmıq jarması, tegistelgen küriş, siır eti (süyekteri bar jauırın-keude böligi), tauıq jwmırtqası (İ sanat), künbağıs mayı, as twzı ("Ekstradan" basqa).

- Soñğı aydağı azıq-tülik tauarlarına jasalğan taldau nätijesinde, bwl qazaqstandıqtardıñ jii satıp alatın tauarları bolıp şıqtı. Biılğı jıldıñ basınan beri däl osı tauarlardıñ bağası östi, - delingen habarlamada.

Är öñir üşin bağa bölek belgilengen. Mäselen, birinşi swrıptı wnnan jasalğan bir keli nannıñ Nwr-Swltandağı eñ qımbat bağası 150 teñge, Almatıda - 146 teñge, Şımkentte - 146 teñge bola aladı.

Öñirlerde: Mañğıstau oblısında - bir keli nan üşin 164 teñge, Aqtöbe oblısında - 147, Atırau oblısında - 164, Aqmola oblısında - 160, Qostanay oblısında - 139, Qızılorda oblısında - 143, BQO - 160, ŞQO - 150, Pavlodar oblısında - 161, SQO - 120, Almatı oblısında - 144, Jambıl oblısında - 138, Türkistan oblısında - 148 teñge.

Qarağandı oblısında bağalar eldi mekenderge baylanıstı belgilengen. Onda bir keli nannıñ qwnı 142-den 160 teñgege deyin.

Alayda bir bölke nan (kirpiş) - 550 gramm. Osılayşa, nan (kirpiştiñ) bağası, mısalı, Nwr-Swltanda - 82,5 teñgeden, Almatı men Şımkentte - 80,3 teñgeden aspaydı.

Äleumettik mañızı bar azıq-tülik tauarlarına rwqsatsız bağa köterilse, 265 100 teñgeden 530 200 teñgege deyin ayıppwl qarastırılğan.

Birinşi swrıptı biday wnınıñ bir kelisi Nwr-Swltanda - 197, Almatıda - 211 boluı tiis. Al kespe astanada - 230, Almatıda - 209 teñge.
Eki qalada qaraqwmıq jarmasınıñ bağası birdey - 339 teñge.
Küriş Nwr-Swltanda -307 teñge, Almatıda - 310 teñge twradı.
Siır eti astanada 2113 teñge jäne Almatıda - 2169.
On jwmırtqa - tiisinşe 351 jäne 367 teñge.
Künbağıs mayı Nwr-Swltanda - 481, Almatıda - 434.
Twz - 55 teñge, Almatıda 59 teñge.

Abai.kz

0 pikir