بەيسەنبى, 4 ماۋسىم 2020
COVID-19 قازاقستاندا. جۇقتىرعاندار — 12067. جازىلعاندار — 6574. قايتىس بولعاندار — 48
1422 0 پىكىر 4 ءساۋىر, 2020 ساعات 14:05

ەلىمىزدە ازىق-تۇلىك باعاسى بەلگىلەندى

ساۋدا، اۋىل شارۋاشىلىعى جانە ۇلتتىق ەكونوميكا مينيسترلىگى بىرلەسكەن بۇيرىققا قول قويدى. بۇيرىققا سايكەس، قازاقستانداعى توتەنشە جاعدايعا بايلانىستى الەۋمەتتىك ماڭىزى بار ازىق-تۇلىك تاۋارلارىنىڭ باعاسى بەلگىلەندى،-دەپ حابارلايدى Tengrinews.kz.

بۇگىننەن باستاپ كەلەسى تاۋارلارعا شەكتى باعالار بەلگىلەنەدى: ءبىرىنشى سۇرىپتى بيداي ۇنى، ءبىرىنشى سۇرىپتى ۇننان جاسالعان نان، تۇتىك كەسپە (تارازىدا ولشەنەتىن), قاراقۇمىق جارماسى، تەگىستەلگەن كۇرىش، سيىر ەتى (سۇيەكتەرى بار جاۋىرىن-كەۋدە بولىگى), تاۋىق جۇمىرتقاسى ء(ى سانات), كۇنباعىس مايى، اس تۇزى ("ەكسترادان" باسقا).

- سوڭعى ايداعى ازىق-تۇلىك تاۋارلارىنا جاسالعان تالداۋ ناتيجەسىندە، بۇل قازاقستاندىقتاردىڭ ءجيى ساتىپ الاتىن تاۋارلارى بولىپ شىقتى. بيىلعى جىلدىڭ باسىنان بەرى ءدال وسى تاۋارلاردىڭ باعاسى ءوستى، - دەلىنگەن حابارلامادا.

ءار ءوڭىر ءۇشىن باعا بولەك بەلگىلەنگەن. ماسەلەن، ءبىرىنشى سۇرىپتى ۇننان جاسالعان ءبىر كەلى ناننىڭ نۇر-سۇلتانداعى ەڭ قىمبات باعاسى 150 تەڭگە، الماتىدا - 146 تەڭگە، شىمكەنتتە - 146 تەڭگە بولا الادى.

وڭىرلەردە: ماڭعىستاۋ وبلىسىندا - ءبىر كەلى نان ءۇشىن 164 تەڭگە، اقتوبە وبلىسىندا - 147, اتىراۋ وبلىسىندا - 164, اقمولا وبلىسىندا - 160, قوستاناي وبلىسىندا - 139, قىزىلوردا وبلىسىندا - 143, بقو - 160, شقو - 150, پاۆلودار وبلىسىندا - 161, سقو - 120, الماتى وبلىسىندا - 144, جامبىل وبلىسىندا - 138, تۇركىستان وبلىسىندا - 148 تەڭگە.

قاراعاندى وبلىسىندا باعالار ەلدى مەكەندەرگە بايلانىستى بەلگىلەنگەن. وندا ءبىر كەلى ناننىڭ قۇنى 142-دەن 160 تەڭگەگە دەيىن.

الايدا ءبىر بولكە نان (كىرپىش) - 550 گرامم. وسىلايشا، نان (كىرپىشتىڭ) باعاسى، مىسالى، نۇر-سۇلتاندا - 82,5 تەڭگەدەن، الماتى مەن شىمكەنتتە - 80,3 تەڭگەدەن اسپايدى.

الەۋمەتتىك ماڭىزى بار ازىق-تۇلىك تاۋارلارىنا رۇقساتسىز باعا كوتەرىلسە، 265 100 تەڭگەدەن 530 200 تەڭگەگە دەيىن ايىپپۇل قاراستىرىلعان.

ءبىرىنشى سۇرىپتى بيداي ۇنىنىڭ ءبىر كەلىسى نۇر-سۇلتاندا - 197, الماتىدا - 211 بولۋى ءتيىس. ال كەسپە استانادا - 230, الماتىدا - 209 تەڭگە.
ەكى قالادا قاراقۇمىق جارماسىنىڭ باعاسى بىردەي - 339 تەڭگە.
كۇرىش نۇر-سۇلتاندا -307 تەڭگە، الماتىدا - 310 تەڭگە تۇرادى.
سيىر ەتى استانادا 2113 تەڭگە جانە الماتىدا - 2169.
ون جۇمىرتقا - تيىسىنشە 351 جانە 367 تەڭگە.
كۇنباعىس مايى نۇر-سۇلتاندا - 481, الماتىدا - 434.
تۇز - 55 تەڭگە، الماتىدا 59 تەڭگە.

Abai.kz

0 پىكىر