Seysenbi, 24 Qarasha 2020
COVID-19 QAZAQSTANDA. Júqtyrghandar — 126860. Jazylghandar — 113646. Qaytys bolghandar — 1945
2581 9 pikir 5 Sәuir, 2020 saghat 11:32

«Ánúrandy deputat ta, diaspora da bile bermeydi»

Juyrda әleumettik jelide astanadaghy túrghyn ýy keshenderining birinde túrghyndardyng «balkongha» shyghyp elimizdin  memlekettik Ánúranyn oryndaghan beynejazbasy tarady. Kópshilik búl әreketting eldegi tótenshe jaghday kezinde adamdardyng bir-birin qoldaugha, kónilderin kóteruge sep bolatynyn aitady.

Elordalyqtardyng Ánúran oryndauy әleumettik jeli qoldanushylarymen qatar el preziydentin de bey-jay qaldyrmaghan eken. Memleket basshysy Qasym-Jomart Toqaev «Twitter» jelisinde búl turaly:

«Elorda men elimizding basqa qalalary túrghyndarynyng Ánúranymyzdy birge oryndauy - Otangha degen sýiispenshilikting kórinisi. Halqymyzdyng búl әreketi zor qúrmetke layyq», - dep jazdy.

Ásili, karantin kezinde terezege shyghyp әn aityp, kónil kóteru deytin chellendj italiyandardan bastau alghan. Italiyadaghy indet kezinde el túrghyndary osylaysha bir-birine kómektesip, ainalasyndaghy adamdargha jaqsy kónil-kýy syilaugha tyrysatyndaryn aitqan.

Sonday-aq, Reseyding Krasnogorsk qalasynda da túrghyndar «balkonda» Ánúran oryndady.

Qyrghyzstanda da búl ýrdis jalghasyn tapty. 1 sәuir kýni keshke Bishkek qalasyndaghy túrghyn ýilerding birinde el azamattary birigip, Qyrghyzstannyng Ánúranyn oryndady.

Áriyne, qiyn kezende el ruhyn kóteretin múnday әreketter qajet-aq. Tipti, qarapayym azamattardyng osy bir әreketi qazaq elining Ánúrany týgili tilin bilmeytin hәm bilgisi kelmeytin biyliktegi keybir shendilerge ýlgi boluy tiyis.

Al jazushy, publisist Marat Toqashbaev әleumettik jelidegi jazbasynda deputattar men elimizdegi ózge diaspora ókilderining memlekettik Ánúrandy bilmeytinin algha tartady. Onyng aituynsha, Preziydent koronavirus kezining ózinde týrli diaspora ókilderining Ánúrangha kózqarasyn ózgertuge baylanysty iydeologiyalyq sharalar qabyldauy tiyis.

- «Qasym-Jomart Toqaev ózining «Twitter» paraqshasynda balkonnan Ánúran shyrqaghandargha bagha beripti. Memleket basshysynyng Ánúran turaly aitqany óte quantty. Búl kezinde «Gimn» sózine qazaqsha «Ánúran» sózin balamagha úsynghan avtor retinde maghan da qymbat. Memlekettik rәmizge baylanysty ózekti taqyryp bolghandyqtan kóp júrtty bey-jay qaldyrmasy taghy anyq.

Erterekte, jiyrma jylday búryn «Ministrler Ánúrandy bile me?» degen maqala jazghanym esimde. Ókinishke qaray býgingi ministrlerding bәri Ánúrandy jatqa biletindigine qazir de kýmәnim bar. Parlament deputattary da sonday.

Anau Kosarev, qazaqsha eki sózding basyn qosa almaytyn Qaraghúsova, «ghashyqtyq oqytudy» nasihattaytyn partiya qalaulylary Ánúrandy jatqa aitady degenge kim senedi?! Memlekettik til – Qazaq tiline shekeden qarau Ánúranymyzgha da salqynyn tiygizip keledi. Ásirese biylikting «qazaqstandyq últ» jasau iydeyasy kóp nәrseni býldirdi. Bizde sany 100 mynnan asatyn toghyz diaspora túrady. Qazaghyndy da, Qazaqstannyng Ánúranyn da kerek qylatyndary shamaly.

Aqtauda әskerdegi eki sarbazdyng Ánúran aitudan bas tartqany ýshin tayaq jegeni internette jýr. Qazaqstanda Ánúrandy qazaqtan basqa últ ókilderining jatqa aitatyndary neken-sayaq. Orys týgili orystildi qazaqtardyng ózi Ánúrangha kelgende sipaqtap qalady. Sondaylardyng biri Qazaq Elining Ánúranyn oryssha aitugha úsynys jasap halyqtyng ashu-yzasyn tughyzghany este.

Is jýzinde Ánúran - әr adamnyng Otanyna degen kózqarasynyng lakmus qaghazy. Mysaly, Almatyda janadan salynghan yqshamaudandarda balkongha shyghyp Ánúran aitushylar kóp. Óitkeni olarda kóbine jas qazaq otbasylary túrady. Al ortalyqtaghy kóne bes, toghyz qabatty ýilerde túratyndardyng ishinde Ánúrangha pysqyrmaytyndar jetip jatyr. 

Sondyqtan Preziydent koronavirus kezining ózinde týrli diaspora ókilderining Ánúrangha kózqarasyn ózgertuge baylanysty iydeologiyalyq sharalardy dereu qolgha alghany jón»,- dep jazdy.

Týiin. Qazir Italiyadan bastalyp, kórshi-qolang elderi ainala jetken Ánúran aitu chellendjine preziydent Toqaevtyng ózi ong bagha bergenin kórdik. Al jurnalist, jazushy Marat Baydildәúly keybir deputattardyng memlekettik Ánúrandy jatqa biletinine kýmәnmen qaraytynyn jazdy.

Sonymen, bizdegi Senat pen Mәjiliste otyrghan deputattar, әr salanyng tizginin ústaghan ministrler elimizding tólqújaty - Ánúranymyzdy bile me?

Abai.kz

9 pikir