Särsenbi, 8 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
Bilik 2449 19 pikir 8 Säuir, 2020 sağat 12:45

Şipovskih: Är azamat «elim üşin ne istey alam» dep özine swraq qoya bilui kerek

Parlament Mäjilisiniñ deputatı Gennadiy Şipovskih Elbası Nwrswltan Nazarbaevtıñ maqalasın oqıp, odan ne tüygenin aytıp berdi.

«Twñğış Prezident – Elbasınıñ şıqqan bügingi maqalasımen oqıp, tanıstıq. Maqalada tereñ oy jatır. Birinşiden Elbası osınau kürdeli kezeñde halıqpen aqıldasıp otır. İndet qazir Qazaqstandı ğana emes, külli älemge qaupin tuğızuda.

Twñğış Prezidenttiñ maqalasında eki aspektke erekşe nazar audardım: birinşiden Elbası wlttıq qorğa baylanıstı halıqqa naqtı aqparat berdi. Pandemiyağa baylanıstı halıqtı qoldau üşin wlttıq qordan tiisti qarajat bölinetinin ayttı. Jalpı kimge qanday jeñildiktiñ beriletini de ataldı», - deydi Gennadiy Şipovskih QazAqparat tilşisine telefon arqılı aytqan pikirinde.

Deputattıñ aytuınşa, bwrın Elbasına wlttıq qordağı aqşanı bwğan deyingi qajettilikterge jwmsau turalı san türli wsınıs bolğan.

«Äytse de, Nwrswltan Nazarbaevtıñ sol twsta mızğımağan qağidatınıñ bügingi küni paydasın körip otırmız. Sonımen birge ekinşi aspekt: eldi tıñdata biletin ziyalı qauımğa aytılğan oy.

Sebebi Elbası aytıp otırğanday halıqtı sabırğa şaqırıp, öskeleñ wrpaqqa dwrıs oy-aqıl aytu kerek. Qazaqstan Täuelsizdigin jariyalağalı beri 30 jıl uaqıt ötti. YAğni sol kezde tuğan bala qazir orda bwzar otız jasqa jetti. Bir qarasañ, köp te, az da emes.

Memleket osığan deyin de, keyin de jastarımızdı qoldap, bilimin şıñday bermek. Qazir sol jastarımız indettiñ betin qaytaru üşin biri däriger, biri policiya qızmetkeri bolıp, kün-tün demey eñbektenip jür. Elbası olardıñ eñbegine de erekşe alğısın ayttı.

Abay da «biriñdi qazaq, biriñ dos, körmeseñ istiñ bäri bos» deydi. Osınau qısıltayañ şaqta eldegi är azamat «elim üşin ne istey alamın?» dep özine özi swraq qoyuı tiis. Bügingi Elbası maqalasında ideologiyalıq twrğıda ülken qwndılıqtar jatır. Osı qwndılıqtardı qoldap, özimiz ärqaşan küş birlikte ekenin tüsinuimiz kerek», - deydi deputat.

Abai.kz

19 pikir